PMC घोटाळ्यातील अटक राकेश, सारंग वाधवान यांच्या कोठडीत वाढ
By ऑनलाइन लोकमत | Published: October 14, 2019 03:04 PM2019-10-14T15:04:40+5:302019-10-14T15:09:13+5:30
PMC Bank Scam : पोलीस कोठडीत १६ ऑक्टोबरपर्यंत वाढ करण्यात आली आहे.
PMC घोटाळ्यातील अटक राकेश, सारंग वाधवान यांच्या कोठडीत वाढ
Next मुंबई - पीएमसी बँक घोटाळ्याप्रकरणी ईडीने अटक केलेल्या राकेश आणि सारंग वाधवान यांच्या पोलीस कोठडीत १६ ऑक्टोबरपर्यंत वाढ करण्यात आली आहे. पीएमसी घोटाळ्याप्रकरणातील प्रमुख आरोपी आणि बँकेचे माजी व्यवस्थापकीय संचालक जॉय थॉमस कांजिराथिंनगल पाठोपाठ बँकेचे माजी अध्यक्ष वरियमसिंग कर्तारसिंग यांना अटक करण्यात आली, तर जॉयला १७ तारखेपर्यंत पोलीस कोठडी सुनाविण्यात आली आहे. तसेच आज वरियमसिंगला सुद्धा कोर्टात हजार केले असता १६ ऑक्टोबरपर्यंत वाढ करण्यात आली आहे.
जॉयला या प्रकरणातील महत्त्वाचा दुवा असून, त्याच्या चौकशीतून पीएमसी आणि एचडीआयएलमधील ४ हजार ३५५ कोटींच्या घोटाळ्यासंबंधी महत्त्वाचे पुरावे हाती लागू शकतात, अशी शक्यता पोलिसांकडून वर्तविण्यात आली होती. यात एचडीआयएलसोबत झालेले व्यवहार, कर्जाबाबत जॉयकडे अधिक चौकशी करणे सुरु आहे. शिवाय, बँकेकडून देण्यात आलेल्या कर्जाचा दुरुपयोग झाल्याचे दिसून येत आहे. या व्यवहाराची माहिती जॉयने ३ वर्षे लपवून ठेवल्याने त्याचा हेतू यातून स्पष्ट होत असल्याचेही पोलिसांनी यावेळी नमूद केले.
Maharashtra: Accused in PMC Bank case, Rakesh Wadhawan, Sarang Wadhawan and Waryam Singh being brought out of Mumbai's Esplanade court. The court has sent them to police custody till 16th October in the case. pic.twitter.com/WDcC9hk1UA
— ANI (@ANI) October 14, 2019
मुंबई - पीएमसी बँक घोटाळा : अटक राकेश आणि सारंग वाधवान यांना १६ ऑक्टोबरपर्यंत पोलीस कोठडी https://t.co/CbvSFUjpi9
— Lokmat (@MiLOKMAT) October 14, 2019
