Rape Case : दोन महिलांनी एकमेकांच्या पतीविरोधात बलात्काराचा गुन्हा केला दाखल

Rape Case : हे संपूर्ण प्रकरण ग्वाल्हेरच्या डबरा भागातील आहे. दोन्ही तक्रारदारांचे म्हणणे ऐकून घेत पोलिसांनी तपास सुरू केला आहे.

ग्वाल्हेर : मध्यप्रदेशातील ग्वाल्हेरमध्ये 2 महिलांनी एकमेकांच्या पतीवर बलात्काराचा गुन्हा दाखल केला आहे. दोन्ही महिलांनी पोलीस ठाणे गाठून आपल्यावर बलात्कार झाल्याची तक्रार केली. याप्रकरणी दोन्ही महिलांना तक्रारदार बनवून पोलिसांनी त्यांच्या वतीने एफआयआर नोंदवला आहे. हे संपूर्ण प्रकरण ग्वाल्हेरच्या डबरा भागातील आहे. दोन्ही तक्रारदारांचे म्हणणे ऐकून घेत पोलिसांनी तपास सुरू केला आहे.


वास्तविक, डबरा भागात राहणाऱ्या एका महिलेने पोलीस ठाणे गाठून तक्रार केली. तक्रारीत १६ मे रोजी एकटी होती असून त्यावेळी  तिच्या पतीचा मित्र त्याच्या आणखी एका साथीदारासह तिच्या घरी आला. तिला सांगितले की, तिच्या पतीला अपघात झाला होता आणि पतीला जखमी अवस्थेत रुग्णालयात दाखल केले होते. हे ऐकून ती महिला आपल्या पतीच्या मित्रासोबत भयभीत होऊन निघून गेली. निर्जन स्थळी जाऊन पतीच्या मित्राने मोटारसायकल थांबवली. बहाण्याने महिलेला सिमरिया टेकरी येथे नेले, तेथे तिच्या पतीच्या मित्राने तिच्यावर बलात्कार केला.


पतीच्या मित्रासोबत उपस्थित असलेल्या अन्य व्यक्तीने बलात्कार करण्याचा प्रयत्न केला . तेव्हा महिलेने आरडाओरडा केला, त्यानंतर दोन्ही आरोपी तेथून पळून गेले. महिलेने पोलीस ठाणे गाठून तक्रार दाखल केली. त्यावरून पोलिसांनी आरोपीविरुद्ध गुन्हा दाखल केला आहे. यानंतर महिलेने ज्या आरोपीविरुद्ध गुन्हा दाखल केला, त्याच्या पत्नीनेही पोलीस ठाणे गाठले. येथे आरोपीच्या पत्नीने असेही सांगितले की, 29 मे रोजी ती घरात एकटी होती, तेव्हा पीडित महिलेचा पती तिच्या घरी आला होता.

'तिने संसार मोडला...' भिंतीवर सुसाईड नोट लिहून पत्नीने घेतला गळफास

दुसऱ्या महिलेने आरोप केला आहे की, पीडितेच्या पतीने घरात घुसून जबरदस्तीने तिच्यावर बलात्कार केला आणि तिचे नग्न फोटोही काढले, ज्याद्वारे तो तिला ब्लॅकमेल करत आहे. आरोपीच्या पत्नीच्या तक्रारीवरून पोलिसांनी पीडितेच्या पतीविरुद्धही गुन्हा दाखल केला आहे. अशा प्रकारे दोन्ही महिलांनी आपल्या पतीच्या मित्राविरुद्ध बलात्काराचा गुन्हा दाखल केला आहे.