प्रेयसीनं एकटी असताना प्रियकराला बोलावलं; अचानक घरी आला तिचा काका, मग...

युवकाच्या वडिलांनी या घटनेची माहिती पोलिसांना दिली. त्यानंतर पोलीस घटनास्थळी पोहचले.

पीलीभीत - पूरनपूर इथं प्रेयसी घरात एकटी असताना घरी जाणं बॉयफ्रेंडला चांगलेच महागात पडलं आहे. या घटनेनं गावात खळबळ उडाली. प्रेयसीच्या घरच्यांनी बॉयफ्रेंडला बंद खोलीत बेदम बदडलं. घडलेल्या प्रकारानंतर युवकाच्या घरचेही प्रेयसीच्या घरी पोहचले तिथे दोन्ही कुटुंबामध्ये हाणामारी झाली. स्थानिकांनी याबाबत पोलिसांना कळवल्यानंतर पोलीस घटनास्थळी पोहचले. त्यानंतर प्रियकर-प्रेयसीसह ५ जणांना ताब्यात घेण्यात आले. 

मिळालेल्या माहितीनुसार, एकाच गावात राहणाऱ्या युवती आणि युवकामध्ये प्रेमसंबंध सुरू होते. हे दोघंही एकमेकांचे नातेवाईक आहेत. ३ वर्षापासून दोघांमध्ये प्रेमाचं नातं आहे. परंतु लग्नासाठी दोन्ही कुटुंबाचा नकार आहे. या दोघांना भेटण्यास घरच्यांनी विरोध केला परंतु संधी मिळताच दोघं एकमेकांना लपून भेटत असतात. बुधवारी प्रेयसीच्या घरी कुणीच नव्हते. घरातील सगळे शेतावर गेले होते. 
त्यावेळी प्रेयसीनं फोन करून युवकाला घरी बोलावलं. तेव्हा अचानक प्रेयसीचा काका घरी पोहचला आणि त्यानं रंगेहाथ दोघांना एकत्र पकडलं. यावेळी संतापलेल्या काकाने इतरांना बोलावून प्रियकराला बंद खोलीत बेदम मारहाण केली. युवकानेही फोन करून त्याच्या घरच्यांना याची माहिती दिली. तेव्हा प्रेयसीच्या घरी युवकाचे कुटुंबही जमले तिथे दोन्ही कुटुंबात वाद झाला. या वादाचं रुपांतर हाणामारीत झाले. 

युवकाच्या वडिलांनी या घटनेची माहिती पोलिसांना दिली. त्यानंतर पोलीस घटनास्थळी पोहचले. प्रेयसीने युवकासोबतच लग्न करणार असा हट्ट धरला. वादानंतर पोलिसांनी युवक, युवती आणि त्यांच्या कुटुंबाला कोतवालीला नेले. दोन्ही कुटुंबाने एकमेकांविरोधात मारहाण करून जखमी केल्याचा गुन्हा नोंदवला आहे. या प्रकरणी पोलिसांनी ५ जणांना ताब्यात घेतले आहे. तक्रार मिळाल्यानंतर दोषींवर योग्य कारवाई केली जाईल असं वरिष्ठ अधिकारी अशोक पाल यांनी म्हटलं. 

तर दुसऱ्या एका घटनेत भावाच्या मित्राने युवतीला प्रेमाच्या जाळ्यात फसवून लग्नाचं आमिष दाखवत अश्लिल फोटो काढले. त्यानंतर लग्नास नकार दिला. त्यानंतर अश्लिल फोटो सोशल मीडियावर व्हायरल करण्याची धमकी दिली. ही मुलगी १२ वीच्या वर्गात शिकते. तिच्या भावाचा मित्र रोज घरी येत जात असे. त्याचवेळी युवतीसोबत त्याची मैत्री झाली. त्यानंतर प्रेमाच्या जाळ्यात युवकाने तिला अडकवलं.