मेहुणीवर बलात्कार केल्याने राहिली गरोदर; पीडिता बहिणीच्या प्रसूतीसाठी मदतीस आली होती

Rape Case : या प्रकरणी आरोपीची पत्नी  मंडावर  पोलिस ठाण्यात हजर झाली आणि गुन्हा दाखल केला आहे.

ठळक मुद्देपीडित मुलीच्या बहिणीच्या तक्रारीवरून पोलिसांनी गुन्हा दाखल करून तपास सुरू केला आहे.

दौसा - दौसा जिल्ह्यात एक लज्जास्पद घटना उघडकीस आली आहे. येथे एका भावोजीने त्याच्या अल्पवयीन मेहुणीवर बलात्कार केला आणि ती गरोदर राहिली. या प्रकरणी आरोपीची पत्नी  मंडावर  पोलिस ठाण्यात हजर झाली आणि गुन्हा दाखल केला आहे. पीडित मुलीच्या मोठ्या बहिणीने गुन्हा दाखल करून ती गरोदर असल्याचे सांगितले. यावर्षी जानेवारी महिन्यात मोठ्या बहिणीची प्रसूती झाली. म्हणूनच, 13 जानेवारी रोजी तिने आपल्या धाकट्या बहिणीला घरातील कामे करण्यास मदत करण्यासाठी बोलावले होते.


धाकट्या बहिणीवर मोठ्या बहिणीच्या नवऱ्याने केला बलात्कार 

प्रसूतीमुळे मोठी बहीण खोली सोडू शकत नाही, असे पीडितेच्या मोठ्या बहिणीने सांगितले. अशा परिस्थितीत तिच्या पतीने तिच्या धाकट्या बहिणीवर अनेकदा बलात्कार केला. यामुळे तीही गरोदर राहिली. अल्पवयीन बहीण ४ महिन्यांपासून गरोदर राहिल्यावर हे प्रकरण उघडकीस आले. पीडित मुलीच्या बहिणीच्या तक्रारीवरून पोलिसांनी गुन्हा दाखल करून तपास सुरू केला आहे.

पोलिसांनी गुन्हा दाखल केला
यासंदर्भात  मंडावर   पोलिस स्टेशनचे प्रभारी नथुलाल मीणा यांनी सांगितले की, पोलिस स्टेशन परिसरातील एका विवाहित महिलेने गुन्हा दाखल केला आहे. तिने सांगितले आहे की, गर्भवती असल्याने तिने तिच्या छोट्या बहिणीला घरातील कामात मदत करण्यासाठी तिच्या सासरच्या घरी बोलावले होते. १४ वर्षीय अल्पवयीन बहिणीला पतीने १३ जानेवारी रोजी तिच्या सासरच्या घरी आणले होते. या दरम्यान, अल्पवयीन १७ फेब्रुवारीपर्यंत मोठ्या बहिणीबरोबर राहिली आणि घरातल्या कामात मदत केली. यादरम्यान तिच्या पतीने अल्पवयीन बहिणीवर बलात्कार केला, यामुळे ती ४ महिन्यांची गरोदर झाली. अशा परिस्थितीत पीडितेची वैद्यकीय तपासणी केल्यानंतर तपास सुरू करण्यात आला आहे.

अल्पवयीन तरुणीला पळवणारा तरुण गजाआड; चार महिन्यांनी अटकhttps://t.co/aKZadmGFNu

— Lokmat (@MiLOKMAT) June 9, 2021

गुन्हा दाखल झाल्याच्या दुसर्‍या दिवशी आरोपीला अटक केली
येथे, आता हा खुलासा झाल्यानंतर, पोलिसांनी यश मिळवित आरोपीला अटक केली आहे. पोलिसांनी सांगितले की, मंडावार पोलिस स्टेशन परिसरात पोलिसांनी आरोपी विक्रम प्रजापत याच्या अल्पवयीन मेव्हण्यावर बलात्कार करून तिला गरोदर बनवण्याच्या प्रकरणात अटक करण्यासाठी पोलिसांनी छापा टाकला होता. २४ तासांच्या प्रयत्नांमध्ये पोलिसांनी आरोपी विक्रम प्रजापत याला अटक केली. आता याप्रकरणी चौकशी सुरू आहे.

बंद खोलीत प्रेमी जोडप्याने कापल्या हाताच्या नसा; प्रेयसीचा झाला मृत्यू https://t.co/Za0aAFzQKG

— Lokmat (@MiLOKMAT) June 9, 2021