GST असिस्टंट कमिशनरच्या फ्लॅटमध्ये झाली चोरी; दोघांना अटक  

Robbery Case : आरोपींच्या ताब्यातून 7.50 लाख रोकड, चोरीच्या पैशांसह खरेदी केलेले ट्रॅक्टर, गुन्ह्यात वापरलेली ऑटो आणि कंपास जीप जप्त केली.

ठळक मुद्देपोलिसांनी प्रतापगड येथील चोरट्या राजेश सरोज आणि चोरीचा माल विकत घेतलेला सोनार संतोष केसरवाणी यांना अटक केली.

लखनऊ - ५ मे रोजी रात्री गोमती नगर विस्ताराच्या सरयू अपार्टमेंटमध्ये राहणारे जीएसटीचे सहायक आयुक्त संजय शुक्ला यांच्या फ्लॅटमध्ये लाखोंची चोरी झाली. या प्रकरणी पोलिसांनी दोन आरोपींना अटक केली. आरोपींच्या ताब्यातून 7.50 लाख रोकड, चोरीच्या पैशांसह खरेदी केलेले ट्रॅक्टर, गुन्ह्यात वापरलेली ऑटो आणि कंपास जीप जप्त केली.

डीसीपी पूर्व संजीव सुमन यांनी सांगितले की, ५ मे रोजी सरयू अपार्टमेंटमध्ये चोरीच्या प्रकरणात चोरांचे काही सीसीटीव्ही फुटेज सापडले, त्या आधारे तपासणीनंतर चोरांची ओळख पटली. पोलिसांनी प्रतापगड येथील चोरट्या राजेश सरोज आणि चोरीचा माल विकत घेतलेला सोनार संतोष केसरवाणी यांना अटक केली. चौकशीदरम्यान आरोपीने पोलिसांना सांगितले की, ५ मेच्या रात्री पाच चोरट्यांनी सरयू अपार्टमेंटमध्ये प्रवेश केला होता आणि लिफ्टमधून वरच्या मजल्यावर गेले होते. लिफ्टच्या समोरील फ्लॅटच्या दारात अनेक वर्तमानपत्रे पडलेली पाहिल्यानंतर त्यांना कळले की फ्लॅट रिक्त आहे.

रंगला नाट्यमय थरार! पिस्तुलाच्या धाकावर ५० लाखांच्या खंडणीची मागणी; महिला-मुलीला ओलीस ठेवले https://t.co/LOAFc4fe2s

— Lokmat (@MiLOKMAT) June 4, 2021

आरोपींनी सदनिकेचे कुलूप तोडून संपूर्ण घर साफ केले. जीएसटीचे सहायक आयुक्त संजय शुक्ला यांच्या त्या फ्लॅटमधून आरोपींनी लाखो रुपयांचा माल चोरून नेला. चोरीनंतर अपार्टमेंटजवळ पार्क केलेल्या जीप कंपासमध्ये बसून आरोपी पळून गेले. डीसीपी म्हणाले की, अनेक लोकांना सीसीटीव्ही फुटेज दाखविल्यानंतर छापा मारल्यानंतर अटक करण्यात आलेल्या कुख्यात चोर राजेश सरोजची माहिती मिळाली, तीन आरोपी अद्याप फरार आहेत ज्यांचा शोध सुरू आहे.