धावत्या रेल्वेत लुटमारीचा डाव, गोंडवाना एक्सप्रेसमधून तीन लुटारू जेरबंद

धावत्या गोंडवाना एक्सप्रेसच्या पेन्ट्री कारमध्ये तीन प्रवेश केला. कर्मचाऱ्यांच्या जवळून ७० हजाराची लुटमार करुन लुटारु पसार झाले.

मोहन भोयर

तुमसर (भंडारा) : धावत्या गोंडवाना एक्सप्रेसच्या पेंट्री कारमध्ये शिरून लूटमार करणाऱ्या तीन लुटारुंना रेल्वेपोलिसांनी मोठ्या शिताफीने जेरबंद केले. लुटमारीची ही घटना भंडारा जिल्ह्यातील तुमसर रोड ते तिरोडी या रेल्वे स्थानकादरम्यान १२ नोव्हेंबर रोजी घडली होती. धावत्या गोंडवाना एक्सप्रेसच्या पेन्ट्री कारमध्ये तीन प्रवेश केला. कर्मचाऱ्यांच्या जवळून ७० हजाराची लुटमार करुन लुटारु पसार झाले.

या घटनेची माहिती गोंदिया रेल्वे पोलिसांना देण्यात आली. त्या अनुषंगाने रेल्वे पोलीस अंतर्गत कलम ३९४ अंतर्गत गुन्हा दाखल केला. लुटारूंना अटक करण्याकरिता नागपूरचे वरिष्ठ मंडळ सुरक्षा आयुक्त पंकज चुघ यांच्या मार्गदर्शनात एक पथक तयार करण्यात आले. त्यांनी लुटारूना मोठ्या शिताफिने अटक केली. ही कारवाई निरीक्षक एस. दत्ता, निरीक्षक व्ही.के. तिवारी, उपनिरीक्षक मो. मुगीसुद्दीन, उपनिरीक्षक आर्. ए. बनसोड, आरक्षक जयंतीलाल, निरीक्षक अनिल पाटील, निरीक्षक नंदबहादुर गोंदिया यांच्या पथकाने केली.