रॉडने नागरिकांवर हल्ला; डोंबिवलीत मद्यधुंद रिक्षाचालकाचा भररस्त्यात राडा 

Assaulting Case : डोंबिवली पश्चिमेतील महात्मा फुले  रोड परिसरात  शैलेश रॉय या मद्यधुंद रिक्षाचालकाने  भर रस्त्यात गाडी थांबवली आणि येणाऱ्या जाणाऱ्या लोकांवर तो दादागिरी करू लागला.

ठळक मुद्देशैलेश रॉय असे या रिक्षाचालकाचे नाव असून तो मानपाडा परीसरात राहतो. घटनेची माहिती मिळाल्यावर विष्णुनगर पोलिसांनी घटनास्थळी धाव घेत या रिक्षाचालकाला  ताब्यात घेतले आहे.   

कल्याण - डोंबिवली पश्चिमेत एका मद्यधुंद रिक्षाचालकाने भर रस्त्यात  राडा घातल्याची घटना घडली आहे.  रस्त्याच्या मधोमध हा रिक्षाचालक रिक्षा उभी करून राडा घालत होता. या रिक्षाचालकाने रॉडने हल्ला करत चार नागरीकांना जखमी केले आहे. मात्र या घटनेमुळे शहरात कायदा सुव्यवस्थेचा प्रश्न  निर्माण झाला आहे. शैलेश रॉय असे या रिक्षाचालकाचे नाव असून तो मानपाडा परीसरात राहतो. घटनेची माहिती मिळाल्यावर विष्णुनगर पोलिसांनी घटनास्थळी धाव घेत या रिक्षाचालकाला  ताब्यात घेतले आहे. 
       

डोंबिवली पश्चिमेतील महात्मा फुले  रोड परिसरात  शैलेश रॉय या मद्यधुंद रिक्षाचालकाने  भर रस्त्यात गाडी थांबवली आणि येणाऱ्या जाणाऱ्या लोकांवर तो दादागिरी करू लागला. यावेळी काही लोकांनी त्याला समजवण्याचा प्रयत्न केला. मात्र त्याने कोणालाही जुमानले नाही. शैलेश ने जोरदार आरडाओरडा सुरू केल्याने लोकांची गर्दी जमली. यावेळी सुमित गुप्तता हा आपल्या मित्राशी स्कुटीवरून  येथून जात  असताना शैलेशने सुमितवर हल्ला केला. या हल्ल्यात सुमितच्या  डोळ्याला आणि   शरीराला गंभीर दुखापत  झाली आहे. सुमित यांच्या डोळ्यातून रक्त आल्याचे  पाहून नागरिकही भयभीत झाले.  हा रिक्षाचालक  यावरच थांबला नाही तर त्याने रिक्षामधून लोखंडी रॉड काढून   बाकी नागरिकांवर देखील हल्ला केला. या हल्ल्यात सुमितसह  कुणाल भोईर, अजय चव्हाण,  शिवम सिंग हे देखील जखमी झाले आहेत. अखेर  विष्णुनगर पोलिसांनी  शैलेश रॉय याला ताब्यात  घेत लोखंडी रॉड आणि रिक्षा ताब्यात घेतली आहे.