सोशल मीडियावर अश्लील व्हिडीओ व्हायरल करण्याची धमकी देत महिलेकडून उकळले १५ लाख 

आरोपीने फिर्यादी महिलेशी जवळीक निर्माण करुन महिलेला मिल्क पावडरचा व्यवसाय करण्याचे आमिष दाखविले. त्यानंतर शीतपेयातून गुंगीकारक पदार्थ देवून शारीरिक संबंध ठेवले.

पिंपरी : अश्लील व्हिडीओ सोशल मीडियावर व्हायरल करण्याची धमकी देत महिलेकडून १५ लाख रुपये उकळले. याप्रकरणी एकावर गुन्हा दाखल करण्यात आला आहे. निलेश भारत पैलवान (रा. वडगाव शेरी, पुणे) असे गुन्हा दाखल केलेल्या आरोपीचे नाव आहे. याप्रकरणी ३७ वर्षीय महिलेने फिर्याद दिली आहे. पोलिसांनी दिलेल्या माहितीनुसार, फिर्यादी महिला व आरोपी हे मुंबई येथे एकत्र कामाला होते. दरम्यान, आरोपीने फिर्यादी महिलेशी जवळीक निर्माण करुन महिलेला मिल्क पावडरचा व्यवसाय करण्याचे आमिष दाखविले. त्यानंतर शीतपेयातून गुंगीकारक पदार्थ देवून शारीरिक संबंध ठेवले. तसेच या घटनेचा व्हिडीओ तयार करण्यासह फोटो काढले. त्यानंतर हा व्हिडीओ व फोटो फिर्यादीस दाखवित ते सोशल मीडियावर व्हायरल करण्याची धमकी देत महिलेकडून वेळोवेळी १५ लाख ५० हजार रुपये खंडणी घेतली. त्यानंतरही महिलेला वारंवार लॉजमध्ये नेवून दारु पाजून फिर्यादीशी शारीरिक संबंध ठेवले. तसेच त्याची क्लिप महिलेचे नातेवाईक व मित्र परिवारास व्हॉटसअ‍ॅपद्वारे पाठवून महिलेची बदनामी केली. याप्रकरणी दिघी पोलीस ठाण्यात गुन्हा दाखल असून पोलीस अधिक तपास करत आहेत.