Samruddhi Mahamarg Accident: समृद्धी महामार्गावर भीषण अपघात; कार उलटून सहा जणांचा मृत्यू

७ जण जखमी: रविवारी सकाळी साडेआठ वाजेच्या सुमारास झाला अपघात

निलेश जोशी
मेहकर: समृद्धी महामार्गावर मेहकर-सिंदखेड राजा दरम्यान लोणार तालुक्यातील शिवणी पिसा नजीक इर्टिगा गाडीला अपघात होऊन सहा जण ठार झाले तर सहा जण जखमी झाले आहेत. बहुतांश जखमी हे छत्रपती संभाजीनगर शहरातील एन ११ मधील रहिवाशी असल्याची माहिती मिळाली आहे.

हा अपघात रविवारी सकाळी लोणार तालुक्यातील शिवणी पिसा ते दुसरबीड दरम्यान घडला. भरधाव वेगातील इर्टिगा गाडी ही रस्त्याच्या मधोमध असलेल्या डिव्हायडरमध्ये घुसली व तीन ते चार पलट्या मारून दुसऱ्या बाजूच्या रस्त्यावर उलटली. या अपघातामध्ये चार जण घटनास्थळीच ठार झाले तर दोन जणांचा रुग्णालयात उपचारादरम्यान मृत्यू झाला.

अपघातातील जखमींना प्रथम मेहकर येथील ग्रामीण रुग्णालयात उपचारासाठी हलविण्यात आले होते. अपघातातील गंभीर जखमींना आता तेथून अन्यत्र हलविण्यात येत आहे. मृतकांची नावे अद्याप स्पष्ट झालेली नाहीत परंतू नागपूरकडून ही कार छत्रपती संभाजीनगरच्या दिशने जात होती. या वाहनामध्ये जवळपास १३ जण होते, अशी माहिती आहे. यात काही लहान मुलांचाही समावेश होता.