भांडण सोडवण्यासाठी गेलेल्या तरुणाला चावा घेऊन केले जखमी

भांडण सोडविण्यास गेलेल्या एका युवकाला दुस-या व्यक्तीने तळ हाताचा चावा घेऊन गंभीर जखमी केल्याची घटना कुशी, ता. सातारा येथे शनिवारी सायंकाळी घडली.

 

सातारा - भांडण सोडविण्यास गेलेल्या एका युवकाला दुस-या व्यक्तीने तळ हाताचा चावा घेऊन गंभीर जखमी केल्याची घटना कुशी, ता. सातारा येथे शनिवारी सायंकाळी घडली.

आकाश विलास चव्हाण (वय ३५, रा. मर्ढे, ता. सातारा) असे जखमी झालेल्या युवकाचे नाव आहे. याबाबत पोलिसांनी दिलेली माहिती अशी, सुभाष जाधव यांनी कुशी, ता. सातारा येथे चिंच झाडण्याचे काम घेतले होते. त्यासाठी मजूर म्हणून आकाश चव्हाण हा तेथे गेला होता. यावेळी राहूल धर्मेंद्र चव्हाण (रा. लिंब चतूर बेट, पवेश्वर नगर सातारा) याने सुभाष जाधव यांना दमदाटी व शिवीगाळ सुरू केली. दोघांचा वाद सुरू असताना आकाश चव्हाण हा त्यांची भांडणे सोडविण्यासाठी प्रयत्न करू लागला. त्यामुळे चिडून जाऊन राहुल चव्हाणने आकाशच्या डाव्या हाताच्या तळव्यावर जोरदार चावा घेतला. यामध्ये आकाश गंभीर जखमी झाला. त्याला तत्काळ जिल्हा शासकीय रुग्णालयात दाखल करण्यात आले. रुग्णालयातील पोलिसांनी त्याचा जबाब नोंदविल्यानंतर सातारा तालुका पोलीस ठाण्यात राहुल चव्हाणवर  गुन्हा दाखल करण्यात आला.