पत्नींचा सिरिअल किलर...! पहिलीचा रहस्यमयी मृत्यू, दुसरी भाओजीच्या भावासोबत पळून गेली, तिसरी...

औरंगाबादच्या शेखपुरा गावातील हे प्रकरण आहे. यामुळे परिसरात मोठी खळबळ उडाली आहे. 

औरंगाबाद : बिहारच्या औरंगाबादमध्ये एका पतीची धक्कादायक कृत्ये समोर आली आहेत. लग्न झालेल्या व्यक्तीची कहाणी विचित्र आहे. त्याच्या पहिल्या पत्नीचा रहस्यमयी मृत्यू झाला आहे. दुसरी भावोजीच्या भावासोबत पळून गेली तर तिसरीचा त्याने खून केला. यामुळे परिसरात मोठी खळबळ उडाली आहे. 

या व्यक्तीचे नाव सुबेलाल पासवान आहे. औरंगाबादच्या शेखपुरा गावातील हे प्रकरण आहे. सुबेलालने हुंड्यासाठी तिसऱ्या पत्नीचा छळ केला होता, यानंतर तिची हत्या केली होती. तसेच पुरावे नष्ट करण्यासाठी त्याने तिचा मृतदेह देखील जाळला होता. स्थानिक लोक त्याला पत्नींचा सिरिअल किलर म्हणत आहेत. 

लोकांच्या म्हणण्यानुसार सुबेलालकडे कोणतीही पत्नी थांबत नाही. एकतर तिचा रहस्यमयी मृत्यू होतो किंवा ती पळून जाते. या प्रकरणी पोलिसांनी मृताच्या आईच्या जबाबावरून एफआयआर नोंदवून पुढील कारवाई सुरू केली आहे. कुटुंबीयांनी पोलिस ठाण्यात अर्ज दिल्याचे उपरा पोलिस ठाण्याचे प्रमुख मनोज कुमार तिवारी यांनी सांगितले. 

आई कुस्मी देवीने म्हटले आहे की, तिने आपली मुलगी चंद्रावती हिचा विवाह हिंदू रितीरिवाजांनुसार सुबेलालसोबत 4 वर्षांपूर्वी केला होता. ऐपतीनुसार हुंडाही दिला होता. लग्नानंतर काही दिवस सर्व काही सुरळीत चालले. त्यानंतर सुबेलालने माझ्या मुलीवर पैसे आणि हुंड्यासाठी अत्याचार करण्यास सुरुवात केली. यातूनच गुरुवारी त्याने मुलीची हत्या केली आणि मृतदेह जाळून टाकला. 

सुबेलाल पासवान याचा पहिला विवाह 2002 मध्ये झाला होता. 2003 मध्ये त्यांना मुलगी झाली. 2004 मध्ये तिचा अचानक मृत्यू झाला होता. यानंतर त्याने तियप गावात राहणाऱ्या जलेंद्र पासवान यांची मुलगी ममता कुमारीसोबत दुसरे लग्न केले होते. लग्नाच्या काही महिन्यांनंतर आरोपी सुबेलालने पत्नी ममता कुमारीला गुजरातमधील दमण घेऊन गेला. एका खासगी कंपनीत काम करत होता. तेथेही तो पत्नीशी भांडण करत असे. वैतागून पत्नी भावोजीच्या भावासोबत पळून गेली.