Crime news: धक्कादायक! पत्नीवर ६ जणांचा सामुहिक बलात्कार; व्हायरल Video पतीच्या मोबाईलवर आला...

Gang rape and video viral: सारण जिल्ह्यातील अवतारनगरमध्ये ही घटना घडली आहे. ही घटना एक आठवडा आधीची असल्याचे सांगितले जात आहे. परंतू बलात्काराचा व्हिडीओ पतीच्या मोबाईलवर आल्याने हा धक्कादायक प्रकार समोर आला आहे.

छपरा : बिहारच्या सारण जिल्ह्यामध्ये खळबळजनक घटना घडली आहे. शौचाला गेलेल्या एका महिलेवर सामुहिक बलात्कार (Gang rape) झाला आणि त्या घटनेचा व्हिडीओ काही दिवसांनी तिच्या पतीच्या मोबाईलवर आल्याने हा प्रकार उघड झाला. (Six people raped women in Bihar, video went viral)

सारण जिल्ह्यातील अवतारनगरमध्ये ही घटना घडली आहे. ही घटना एक आठवडा आधीची असल्याचे सांगितले जात आहे. परंतू बलात्काराचा व्हिडीओ पतीच्या मोबाईलवर आल्याने हा धक्कादायक प्रकार समोर आला आहे. हा व्हिडीओ पाहून पतीला मोठा धक्का बसला होता. पोलिसांनी या प्रकरणी ६ जणांविरोधात गुन्हा दाखल केला आहे. आता तपास केला जात आहे. या साऱ्या प्रकाराबाबत पोलिसांना माहिती देण्यास महिला घाबरत होती. 

ही घटना २३ जूनची आहे. अवतार नगर पोलीस ठाणे क्षेत्रात ही घटना घडली. रात्री महिला शौचाला बाहेर गेली होती. यावेळी तिच्यावर गावातीलच सहा जणांनी बलात्कार केला. याचा व्हिडीओदेखील बनविला आणि तिला धमकावले. यामुळे घाबरून महिलेने घडलेल्या प्रकाराबाबत पतीला काहीही सांगितले नाही. दरम्यान, आरोपींनी बलात्काराचा व्हिडीओ व्हायरल केला. तो फिरून तिच्या पतीच्या मोबाईलवर आला. व्हिडीओ पाहून पतीला धक्काच बसला. त्याने पत्नीला याबाबत विचारले असता तिने रडत रडत झालेला प्रकार सांगितला. यानंतर पतीसोबत पोलिसांत येऊन तक्रार देण्यात आली.