धक्कादायक! पतीच 'त्याला' म्हणाला माझ्या पत्नीसोबत शारीरिक संबंध ठेव

पुण्यातील एका महिलेवर हॉस्टेलमध्ये राहत असताना तेथील काम करणाऱ्या कर्मचाऱ्याने जबरदस्ती केल्याची धक्कादायक माहिती समोर आली आहे.

पुणे: पुण्यातील एका महिलेवर हॉस्टेलमध्ये राहत असताना तेथील काम करणाऱ्या कर्मचाऱ्याने जबरदस्ती केल्याची धक्कादायक माहिती समोर आली आहे. महिलेने या संबंधित घडलेला सर्व प्रकार आपल्या पतीला सांगितला. मात्र पतीने मीच त्या कर्मचाऱ्याला तुझ्यासोबत शारीरिक संबंध ठेवण्यास सांगितले होते असे उत्तर दिल्यानंतर पतील जबरदस्त धक्का बसला.

पत्नीच्या तक्रारीनंतर भारती विद्यापीठ पोलिसांनी सुरेश शैशराज शिंदे (वय ३४, रा. हिलटॉप सोसायटी, धनकवडी) याला अटक केली आहे. तर या महिलेच्या पतीविरुद्ध गुन्हा दाखल केला आहे. ही घटना कात्रजमधील एका होस्टेलवर नोव्हेंबर २०१९ मध्ये घडली होती. 

याबाबत पोलिसांनी सांगितले की, ही महिला आपल्या पतीसमवेत होस्टेलवर रहात होती. या होस्टेलमधील सुरेश शिंदे याने या महिलेच्या इच्छेविरुद्ध तिच्याशी जबरदस्तीने शारीरिक संबंध केले. ही बाब तिने आपल्या पतीला सांगितली. तेव्हा त्याने आपणच सुरेश शिंदे याला तुझ्यासोबत शारीरिक संबंध ठेवण्यास सांगितले होते, असे उत्तर दिले. त्याच्या उत्तराने पत्नीला धक्का बसला. शेवटी तिने नातेवाईकांशी बोलल्यानंतर भारती विद्यापीठ पोलिसांशी संपर्क साधून फिर्याद दिली. पोलिसांनी सुरेश शिंदे व तिच्या पतीविरुद्ध गुन्हा दाखल करुन शिंदे याला अटक केली आहे.