धक्कादायक! पोलिसाने पोलीस ठाण्यातच गळफास घेत केली आत्महत्या 

घशाच्या कर्करोगाला कंटाळून उचलले टोकाचे पाउल

ठळक मुद्देघटनास्थळी मिळालेल्या सुसाईट नोटमध्ये कर्करोगामुळे हे पाउल उचलल्याचे नमूद केले आहे.चेंबूर पोलीस ठाण्याचे सहाय्यक पोलीस उपनिरीक्षक संपत दत्तात्रय गाढवे (५८) यांनी स्टोअर रूममध्ये सोमवारी दुपारी गळफास घेतल्याने खळबळ

मुंबई : घशाच्या कर्करोगाला कंटाळून चेंबूर पोलीस ठाण्याचे सहाय्यक पोलीस उपनिरीक्षक संपत दत्तात्रय गाढवे (५८) यांनी स्टोअर रूममध्ये सोमवारी दुपारी गळफास घेतल्याने खळबळ उडाली आहे. घटनास्थळी मिळालेल्या सुसाईट नोटमध्ये कर्करोगामुळे हे पाउल उचलल्याचे नमूद केले आहे.
      

गाढवे हे ३१ मे रोजी निवृत्त होणार होते. पोलिसांनी दिलेल्या माहितीनुसार, फेब्रुवारी २०१९ मध्ये त्यांच्या घशाचे कॅन्सरचे ऑपरेशन झाले होते. सोमवारी ते नेहमीप्रमाणे कामावर हजर झाले. दुपारी १२ च्या सुमारास पोलीस हवालदार तुपारे कर्तव्यास आल्यानंतर स्टोर रूममध्ये जाताच, त्यांना गाढवे हे स्टोअर रूममध्ये मुलीच्या  ओढणीने गळफास घेतलेल्या अवस्थेत मिळून आले.

अन्य सहकाऱ्यांनी त्यांना तात्काळ  राजावाडी रुग्णालयात नेले. तेथे त्यांना दाखल करण्यापूर्वीच मृत घोषित केले. त्यांच्या शर्टच्या खिशात मिळालेल्या सुसाईड नोट मध्ये कॅन्सरच्या आजाराने आत्महत्या केल्याचे नमूद केले आहे. याप्रकरणी चेंबूर पोलीस ठाण्यात अपमृत्यूची नोंद करण्यात आली आहे.