धक्कादायक! आंतरजातीय विवाह योजनेचा फायदा घेण्यासाठी तरुणीसोबत जबरदस्तीने लग्न केलं, नंतर बलात्कार करून घराबाहेर काढलं

Crime News: एका तरुणाने अनुसूचित जातीच्या २० वर्षीय तरुणीसोबत केवळ आंतरजातीय विवाह योजनेचा लाभ मिळावा या उद्देशाने लग्न केले. त्यानंतर त्याने या तरुणीसोबत जबरदस्तीने शरीरसंबध प्रस्थापित करून तिला घराबाहेर काढले.

जयपूर - आंतरजातीय विवाहांना प्रोत्साहन देण्यासाठी राज्य सरकार ५ लाख रुपयांचे अर्थसहाय्य देते. समाजिक समरसता निर्माण व्हावी, अस्पृश्यता निवारण व्हावे, हा त्यामागचा हेतू असतो. मात्र सरकारच्या या योजनेचा गैरफायदा घेण्यासाठी काही बदमाश मुलींच्या जीवनाशी खेल करत आहेत. अशीच एक धक्कादायक घटना समोर आली आहे. राजस्थानमधील चुरूजवळच्या बिसाऊ ठाणे क्षेत्रात ही घटना घडली आहे. (To take advantage of the inter cast marriage scheme, he forcibly married a young woman, then raped her and kicked her out of the house)

येथे एका तरुणाने अनुसूचित जातीच्या २० वर्षीय तरुणीसोबत केवळ आंतरजातीय विवाह योजनेचा लाभ मिळावा या उद्देशाने लग्न केले. त्यानंतर त्याने या तरुणीसोबत जबरदस्तीने शरीरसंबध प्रस्थापित करून तिला घराबाहेर काढले. या तरुणाने केलेल्या छळामुळे दु:खी झालेल्या तरुणीने आत्महत्येचा प्रयत्न केला. मात्र तिला वाचवण्यात आले.

पीडित तरुणीच्या कुटुंबीयांकडून मिळालेल्या माहितीनुसार पीडितेची निकेश जाट नावाच्या तरुणाशी ओळख होती. दरम्यान, निकेशने तिला फूस लावून दिल्लीला नेले. तिथे अनुसूचित जातीच्या मुलीशी विवाह केल्याबद्दलचे पाच लाख रुपये सरकारकडून मिळावेत म्हणून त्याने तिला धमकावून तिच्याशी लग्न केले. सदर तरुणाने पीडितेला ७ दिवस बंदी बनवून ठेवले. तसेच तिच्यावर बलात्कार केला. कुटुंबीयांच्या दाव्यानुसार पोलिसांचे भय आणि पाच लाख रुपयांच्या आमिषामुळे निकेशने सदर तरुणीला आधी घरी आणले. त्यानंतर मारहाण करून तिला घराबाहेर काढले.

नातेवाईकांनी सांगितले की, आरोपी तरुण निकेश याने तिच्याकडे पाच लाख रुपयांची मागणी केली होती. मागणी पूर्ण न झाल्यास तिला विकून टाकण्याची धमकी दिली. तर पीडितेने सांगितले की, आता आरोपीकडचे लोक तक्रार मागे घेण्यासाठी दबाव आणत आहेत. त्यामुळे धक्का बसलेल्या पीडितेने सोमवारी विषप्राशन करून आत्महत्येचा प्रयत्न केला. तिने सुरुवातीला तणावाखाली येत झोपेच्या गोळ्या खाल्ल्या. त्यानंतर उंदीर मारण्याचे औषध खाल्ले. प्रकृती बिघडल्याने पीडितेला कुटुंबीयांनी रुग्णालयात दाखल केले. दरम्यान, सहा महिन्यांपूर्वी बिसाऊ पोलीस ठाण्यात गुन्हा दाखल केल्यानंतरही पोलीस आरोपींविरोधात कुठलीही कारवाई करत नसल्याचा, आरोप पीडितेने केला आहे.