खळबळजनक! भाजपा पदाधिकाऱ्याच्या मुलाची चाकूने वार करून हत्या, हल्लेखोर फरार

हल्लेखोरांना त्वरीत अटक करावी अशी मागणी गोवा राज्याचे विरोधी पक्ष नेते दिगंबर कामत यांनी केली आहे.

ठळक मुद्देदिवसाढवळया घडलेल्या या खूनी हल्ल्यामुळे व्यापारीवर्गातही भितीचे वातावरण पसरले आहे.

मडगाव: गोव्यातील मडगावातआज बुधवारी दिवसाढवळया एका सराफाचा हत्या झाल्याची खळबळजनक घटना घडली. स्वप्नील वाळेक असे मयताचे नाव असून, भाजपाच्या राज्य कार्यकरणीच्या सदस्या कृष्णा वाळके यांचा तो मुलगा होता. शहरातील ग्रेस चर्चच्या मागच्या बाजूला वाळके यांचे कृष्णी ज्वेलर्स नावाचे आस्थापन असून, दुपारी बारा वाजता या आस्थापनात दोघेजण आत शिरले, त्यांच्याकडे रिव्हॉलवर व चाकूही होता. चाकूने वार केल्याने स्वप्नील हा गंभीर जखमी झाला. हल्ला केल्यानंतर संशयिताने पळ काढला. जखमी अवस्थेत स्वप्नील याला १०८ मदतसेवेच्या अ‍ॅम्बुलन्समधून हॉस्पिसियोत दाखल केले असता, त्याला मरण आले. दिवसाढवळया घडलेल्या या घटनेमुळे शहरात भितीचे वातावरण पसरले आहे. हल्लेखोरांना त्वरीत अटक करावी अशी मागणी गोवा राज्याचे विरोधी पक्ष नेते दिगंबर कामत यांनी केली आहे.

दिवसाढवळया घडलेल्या या खूनी हल्ल्यामुळे व्यापारीवर्गातही भितीचे वातावरण पसरले आहे. हल्लेखोर चोरीच्या उददेशाने या सराफी दुकानात आत शिरले व नंतर स्वप्नीलने त्यांना अटकाव करण्याचा प्रयत्न केला असता त्याच्यावर खुनी हल्ला झाला असावा असा प्राथमिक अंदाज पोलिसांनी व्यक्त केला आहे. संशयिताने हल्ला केल्यानंतर ते पळून गेले. यातील एकाच्या हाती चाकू होता. सराफी दुकानातून मोठयामोठयाने आवाज ऐकू आल्यानंतर आजूबाजूचे लोक घटनास्थळी जमले. मात्र एक हल्लेखोर हातात चाकू घेउन असल्याने त्याला पकडण्यासाठी पुढे सरावण्यासही ते घाबरले. लोकांनी त्याच्यावर दगडही फेकले, त्याही अवस्थेत तो पळून गेला.

घटनेची माहिती मिळाल्यानंतर दक्षिण गोवा पोलीस अधिक्षक पंकजकुमार सिंग हेही घटनास्थळी दाखल झाले. भादंसंच्या ३0२ कलमाखाली मडगाव पोलिसांनीखून म्हणून हे प्रकरण नोंदवून घेतले असून, संशयितांचा शोध चालू असल्याची माहिती दक्षिण गोवाा पोलीस अधिक्षक पंकजकुमार सिंग यांनी दिली. दरम्यान, विरोधी पक्षनेते दिगंबर कामत यांनी गोवा राज्यात कायदा व सुव्यवस्था पुर्णपणे कोसळल्याचे हे ज्वलंत उदारहण असल्याचे सांगताना खुन्यांना तत्काळ अटक करावी अशी मागणी केली आहे. भाजपा गोवा प्रदेश सरचिटणीस तथा माजी खासदार नरेंद्र सावईकर यांनी या खूनी हल्लाचा निषेध केला असून, मडगाव पोलिसांनी त्वरीत कारवाई करुन संशयितांना अटक करावी अशी मागणी केली आहे.

 

अन्य महत्वाच्या बातम्या...

 

सुशांतच्या चॅटमधून मोठा खुलासा, बहिणीने एंजाइटी-डिप्रेशनचे औषध घेण्यासाठी दिला होता सल्ला

 

Sushant Singh Rajput Case : रियाला शवगृहात जाण्यासाठी परवानगी दिलीच नव्हती, कूपर रुग्णालयाचा खुलासा

 

आपचा निलंबित नगरसेवक ताहिर हुसेनला ईडीने केली अटक

 

आईने व्हर्जिन मुलीसोबत शरीरसंबंधासाठी लावली बोली आणि केला इतक्या लाखांचा सौदा