अंगाचा थरकाप उडवणारी घटना; निर्दयी पोरानं बापाचं शिर धडापासून वेगळे केले अन्...

आरोपी मुलगा तितक्यावरच थांबला नाही तर त्याने वडिलांच्या मृतदेहावरील त्यांची शिर धडापासून वेगळे केले

गोरखपूर - उत्तर प्रदेशच्या गोरखपूर इथं खळबळजनक घटना समोर आली आहे. याठिकाणी एका निर्दयी मुलाने बापाची धारदार शस्त्राने हत्या केली. त्यानंतर शिर धडापासून वेगळे केले. मग मृतदेह एका ट्रॉली बॅगेत घालून रस्त्याशेजारी फेकून दिले. परंतु छोट्या भावाने हे सगळं पाहिले आणि त्यानं पोलिसांना घटनेबाबत कळवले. गोरखपूरच्या सूर्यकुंड परिसरात ही घटना घडली. 

मिळालेल्या माहितीनुसार, शनिवारी रात्री ९ वाजता ६२ वर्षीय मधूर मुरली गुप्ता यांचा मोठा मुलगा प्रिंस गुप्ता उर्फ संदीपने धारदार शस्त्राने गळा चिरून हत्या केली. बाप-लेकांमध्ये पैशावरून वाद झाला होता. प्रिंस वडिलांकडून सातत्याने पैसे मागत होता. परंतु जेव्हा वडिलांनी पैसे देण्यास नकार दिला तेव्हा रागाच्या भरात पोराने बापाची हत्या केली. 

इतकेच नाहीत आरोपी मुलगा तितक्यावरच थांबला नाही तर त्याने वडिलांच्या मृतदेहावरील त्यांची शिर धडापासून वेगळे केले. त्यानंतर एका ट्रॉलीत ते टाकून रस्त्यावर फेकून दिले. या घटनेनंतर रस्त्यात मधूर यांचा छोटा मुलगा प्रशांत रस्त्यात भेटला. त्याने प्रिंसला कुठे चाललाय विचारलं त्यावर त्याने काहीच उत्तर न देता स्कूटीवरून निघून गेला. 

प्रशांत जेव्हा घरी पोहचला तेव्हा रक्ताचे निशाण पाहिले. वडीलही घरात नव्हते घरातून ट्रॉलीही गायब होती. त्यामुळे प्रशांतला संशय आला त्याने तातडीने याची माहिती पोलिसांना दिली. तोपर्यंत प्रिंस घरी पोहचला. त्यानंतर घटनास्थळी पोहचलेल्या पोलिसांनी प्रिंसकडे वडीलांबाबत विचारणा केली. ज्यावर प्रिंसने वडिलांना ठार केल्याचं पोलिसांना सांगितले. हे ऐकताच पोलीसही हैराण झाले. आरोपीने सांगितले की, पप्पा, पैसे देत नव्हते म्हणून त्यांना मारले त्यानंतर पोलिसांनी आरोपी प्रिंसला अटक केली. पोलिसांनी प्रिंसने सांगितलेल्या ठिकाणी जात ट्रॉली ताब्यात घेतली. त्यानंतर मृतदेह पोस्टमोर्टमसाठी पाठवला. याबाबत पुढील तपास सुरू आहे असं पोलिसांनी म्हटलं.