धक्कादायक! सावत्र बापाने बलात्कारचा प्रयत्न केला, तरुणीने चहामध्ये नशेचे औषध मिसळले अन् उचलले टोकाचे पाऊल

उत्तर प्रदेशमधील लखनौ मधून एक धक्कादायक घटना समोर आली आहे. गेल्या काही दिवसापूर्वी लखनौमध्ये एका व्यक्तीचा संशयास्पद मृत्यू झाल्याचे समोर आले होते, या प्रकरणात आता एक मोठा खुलासा झाला आहे. या व्यक्तीची हत्या त्यांच्याच मुलीने आणि जावयाने केल्याचे समोर आले आहे. 

हत्या झालेला व्यक्ती त्या तरुणीचे सावत्र वडील होते.आरोपी तरुणीने या संदर्भात मोठा खुलासा केला आहे. ' सावत्र वडीलांनी लैंगिक अत्याचार करण्याचा प्रयत्न केला, त्यानंतर मी हत्या केली असल्याचे आरोपी महिलेने पोलिसांनी सांगितले. आरोपी महिला विवाहित आहे. तिने पतीच्या मदतीने मृतदेहाची विल्हेवाट लावल्याचा आरोप आहे. पोलिसांनी दोघांनाही अटक केली आहे.

ही घटना लखनौच्या दुबग्गा परिसरातील आहे. फयाज असे मृताचे नाव आहे. ते ई-रिक्षा चालक म्हणून काम करायचे. फयाज हे 17 डिसेंबरला घरून निघाले, पण परत आले नाहीत. दोन दिवसांनंतर 19 डिसेंबरला आम्रपाली हॉस्पिटलजवळ फयाज यांचा मृतदेह सापडला. शवविच्छेदन अहवालात त्यांचा गळा दाबून खून करण्यात आल्याचे स्पष्ट झाले आहे.

Sandeep Singh Haryana Minister: "देश सोडलास तर 1 कोटी देईन", महिला प्रशिक्षकाचा मंत्री संदीप सिंग यांच्यावर आणखी एक आरोप

फोन कॉल रेकॉर्डच्या आधारे पोलिसांनी सावत्र मुलगी आणि जावयाला अटक केली. चौकशीत दोघांनी खुनाची कबुली दिली. औषध आणि नंतर नायलॉन दोरी वापरली पोलिसांनी दिलेल्या माहितीनुसार, महिलेने तिच्या सावत्र वडिलांच्या चहामध्ये झोपेच्या गोळ्या मिसळल्या. फयाज झोपेत असताना महिलेने त्याची नायलॉनच्या दोरीने गळा आवळून हत्या केली. काही वेळाने पती घरी आल्यावर महिलेने त्याला सर्व प्रकार सांगितला. यानंतर दोघांनी मिळून मृतदेहाची आम्रपाली हॉस्पिटलजवळ विल्हेवाट लावली. 

मृतदेहाची विल्हेवाट लावण्यासाठी ई-रिक्षा मागवण्यात आली होती. मृतदेह ई-रिक्षावर चढवून दोन्ही आरोपींनी निर्जनस्थळी नेऊन मृतदेह फेकून दिला, अशी माहिती पोलिसांनी दिली.