टिंबर मार्केटमधील राजाराम चौकात किराणा दुकानावर दगडफेक

याबाबत समजलेली माहिती अशी की,टिंबर मार्केट येथे चेचर किराणा स्टोअर या नावाचे दुकान आहे

कोल्हापूर : टिंबर मार्केटमधील राजाराम चौकात शुक्रवारी सायंकाळी दोघा तरुणांनी चेचर किराणा दुकानावर दगडफेक केली. दुकानातील व बाहेरील साहित्याची तोडफोड करीत दुकान मालक सचिन आनंदराव चेचर (वय ४०) यांनाही मारहाण केली. रात्री उशिरापर्यंत गुन्हा दाखल करण्याची प्रक्रीया सुरु होती.

याबाबत समजलेली माहिती अशी की,टिंबर मार्केट येथे चेचर किराणा स्टोअर या नावाचे दुकान आहे. दुकानदार सचिनचेचर हे शुक्रवारी सायंकाळी पाच वाजण्याच्या सुमारास नेहमीप्रमाणे आपला व्यवसाय करत होते. यादरम्यान मोटार सायकलवरुन आलेल्या दोघा तरुणांनी दुकानावर दगडफेक करुन मोडतोड करायला सुरवात केली.स चिन यांनाही शिवीगाळ करत त्यांनी मारहाण केली. दुकानाबाहेर ठेवलेल ट्रे,लाकडी फळ्या उचलून आपटायला सुरवात केली. यावेळी या चौकामध्ये बघ्यांची गर्दी झाली. गर्दीतील कांहीजणांनी त्या दोन तरुणांच्या तावडीतून चेचर यांची सुटका केली. या घटनेची माहिती जुना राजवाडा पोलिसांना मिळताच पोलिस तत्काळ घटनास्थळी पोहचले.फिर्यादी चेचर यांच्याकड़ून माहिती घेऊन त्यांनी त्या दोन तरुणांचा शोध सुरु केला. याप्रकरणी गुन्हा नोंद करण्याची प्रक्रिया रात्री उशीरापर्यंत सुरु होती.