सीबीआयची सुशांतच्या बहिणीकडे चौकशी, 8 ते 13 जूनपर्यंतचा जाणून घेतला घटनाक्रम

By ऑनलाइन लोकमत | Published: August 31, 2020 09:58 PM2020-08-31T21:58:43+5:302020-08-31T21:59:04+5:30

Sushant Singh Rajput Case : त्याचे कुटूंबियाशी असलेले संबंध आणि तिचे 8 ते 12 जून या कालावधीतील वास्तवाबाबत सविस्तर माहिती जाणून घेण्यात आल्याचे अधिकाऱ्यांकडून सांगण्यात आले.

Sushant singh Rajput Case ; CBI interrogation of Sushant's sister, learned the events from June 8 to 13 | सीबीआयची सुशांतच्या बहिणीकडे चौकशी, 8 ते 13 जूनपर्यंतचा जाणून घेतला घटनाक्रम — सीबीआयची सुशांतच्या बहिणीकडे चौकशी, 8 ते 13 जूनपर्यंतचा जाणून घेतला घटनाक्रम

ठळक मुद्दे तिची दुसरी बहिण प्रियंका आणि तिचे पतीकडे चौकशी केली जाणार आहे. रिया आणि इतरांनी दिलेल्या जबाबाची पडताळणी त्याच्याकडून केली जाणार आहेत. सुशांतच्या मृत्यूचे वेगवेगळे कंगोरे तपासात समोर येत आहेत.

मुंबई : अभिनेत्री सुशांत सिंग राजपूत हिची बहीण मितू सिंग हिची सोमवारी सीबीआयच्या पथकाने चौकशी केली. त्याचे कुटूंबियाशी असलेले संबंध आणि तिचे 8 ते 12 जून या कालावधीतील वास्तवाबाबत सविस्तर माहिती जाणून घेण्यात आल्याचे अधिकाऱ्यांकडून सांगण्यात आले.

तिची दुसरी बहिण प्रियंका आणि तिचे पतीकडे चौकशी केली जाणार आहे. रिया आणि इतरांनी दिलेल्या जबाबाची पडताळणी त्याच्याकडून केली जाणार आहेत. सुशांतच्या मृत्यूचे वेगवेगळे कंगोरे तपासात समोर येत आहेत. सुशांतचा मित्र सिद्धार्थ पिठानी ,त्याचे मॅनेजर, नोकर, आणि रिया चक्रवर्ती व तिचा भाऊ शोविक यांच्याकडे कसून चौकशी केली आहे. त्यांच्यामध्ये काहीशी विसंगती असलीतरी सर्वजण सुशांतने आत्महत्या केली, याबद्दल ठाम आहेत, तसेच सुशांतचे घरच्या मंडळीशी फारसे चांगले संबंध नव्हते, असे सांगितले आहे. तपास पथकाने आज मितूकडे त्याबाबत तिच्याकडे विचारणा केली. त्याचप्रमाणे 14 जूनला सिद्धार्थ पिठानी याने तिला केलेले कॉल, घरी आल्यानंतरची परिस्थितीबाबत माहिती जाणून घेतली.

तसेच सुशांतच्या मानसिक आजाराची कल्पना त्याच्या घरच्यांना होती, असे त्याचा मॅनेजर सॅम्युएल मिरांडा याच्या मोबाईल तपासण्यातून स्पष्ट झाले आहे. त्याने सुशांत डिप्रेशनसाठी जी औषधे घेत होता, त्याची प्रिस्किपशन मॅनेजरने मितू आणि प्रियांका यांना पाठविले होते, त्याबाबत अधिकाऱ्यांनी तिच्याकडे विचारणा करण्यात आली. घटनेची सत्यता जाणून घेण्यासाठी रिया आणि संबंधित साक्षीदाराना समोरासमोर बसवून चौकशी केली जाईल, असे अधिकाऱ्यांकडून सांगण्यात आले.

अन्य महत्वाच्या बातम्या...

Web Title: Sushant singh Rajput Case ; CBI interrogation of Sushant's sister, learned the events from June 8 to 13

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

टॅग्स :