Mansukh Hiren death case: मनसुख हिरेन मृत्यू प्रकरणी निलंबित पोलीस कॉन्स्टेबल, बुकीला अटक; ATS ची कारवाई
By ऑनलाइन लोकमत | Published: March 21, 2021 12:25 PM2021-03-21T12:25:48+5:302021-03-21T12:27:10+5:30
Mansukh Hiren death case : मुकेश अंबानींच्या घराखाली स्फोटकांनी भरलेली स्क़ॉर्पिओ ठेवल्याच्या प्रकरणाला दररोज वेगवेगळी वळणे लागत आहेत. मनसुख हिरेन मृत्यू प्रकरणाचा तपास केंद्र सरकारने महाराष्ट्र एटीएसकडून काढून केंद्राच्या एनआयएकडे सोपविण्यात आला आहे. आज एटीएसने मनसुख हिरेन प्रकरणात दोघांना अटक केल्याचे सांगितले आहे.
Mansukh Hiren death case: मनसुख हिरेन मृत्यू प्रकरणी निलंबित पोलीस कॉन्स्टेबल, बुकीला अटक; ATS ची कारवाई
एकीकडे राज्यात सचिन वाझेंना (Sachin Vaze) महिन्याला 100 कोटी रुपयांची वसुली करण्याचा गृहमंत्री अनिल देशमुख ( Anil Deshmukh) यांनी आदेश दिल्याचा आरोप मुंबईचे माजी पोलीस आयुक्त परमबीर सिंग(Param Bir Singh) यांनी केल्याने खळबळ उडालेली असताना दुसरीकडे मनसुख हिरेन प्रकरणात आणखी दोघांना अटक करण्यात आली आहे. (Suspended Mumbai Police constable Vinayak Shinde and Naresh Dhare, a bookie arrested, in connection with Mansukh Hiren death case: Maharashtra ATS)
मुकेश अंबानींच्या घराखाली स्फोटकांनी भरलेली स्क़ॉर्पिओ ठेवल्याच्या प्रकरणाला दररोज वेगवेगळी वळणे लागत आहेत. मनसुख हिरेन मृत्यू प्रकरणाचा तपास केंद्र सरकारने महाराष्ट्र एटीएसकडून काढून केंद्राच्या एनआयएकडे सोपविण्यात आला आहे. आज एटीएसने मनसुख हिरेन प्रकरणात दोघांना अटक केल्याचे सांगितले आहे.
Parambir Singh: 'जिलेटीनपेक्षा 100 कोटींची चिठ्ठी अधिक स्फोटक'; कोणत्याही क्षणी केंद्राची महाशक्ती ED ची एन्ट्री शक्य
मुंबई पोलीस दलातून निलंबित करण्यात आलेला पोलीस कॉन्स्टेबर विनायक शिंदे आणि बुकी असलेला नरेश धरे याला महाराष्ट्र एटीएसने अटक केली आहे.
स्फोटक प्रकरणाचा तपास याआधी मुंबई पोलीस दलाच्या सीआययूचे प्रमुख आणि एपीआय सचिन वाझे (Sachin Vaze) करत होते. मात्र वाझे यांची भूमिका संशयास्पद आढळून आल्याने हा तपास एनआयएकडे सोपविण्यात आला. यानंतर एनआयएने वाझेंनाचा अटक करताच त्यांनीच स्फोटकांची कार ठेवल्याचे तपासात समोर आले. वाझेंना २५ मार्चपर्यंतची कोठडी सुनावण्यात आली आहे.
सचिन वाझे आणि मनसुख हिरेन यांचा परस्पर संबंध आल्याने एनआयएने हिरेन मृत्यू प्रकरणाचा तपासही आपल्याकडेच देण्यात यावा अशी मागणी गृहमंत्रालयाकडे केली होती. महाराष्ट्र एटीएस याचा तपास करत होते. यासाठी आवश्यक परवानग्या गृह मंत्रालयाकडून एनआयएने मागितल्या होत्या. या परवानग्या एनआयएला गृहमंत्रालयाने आज दिल्या आहेत. यानुसार आजपासून एनआयएच मनसुख हिरेन प्रकरणात तपास करणार आहे. एनआयएला खुनाची केस थेट हाती घेण्याचा अधिकार नाही. पण मनसुख हिरेन यांच्या मृत्यूचा संबंध अंबानींच्या घराबाहेर सापडलेल्या कारशी आहे. अंबानींच्या घराबाहेर आढळलेली कार हिरेन यांच्याच मालकीची होती. त्यामुळेच हिरेन यांच्या मृत्यूचा तपास करण्याची विनंती करण्यात आली होती.
Suspended Mumbai Police constable Vinayak Shinde and Naresh Dhare, a bookie arrested, in connection with Mansukh Hiren death case: Maharashtra ATS
— ANI (@ANI) March 21, 2021
मनसुख हिरेन यांचा मृत्यू नेमका कशामुळे?
मनसुख हिरेन पाणी पडले त्यावेळी काही वेळ ते जिवंत होते. त्यांच्या फुफ्फुसात खाडीचं पाणी गेल्यानं त्यांचा मृत्यू झाला, अशी माहिती डायटम बोन अहवालातून समोर आली आहे. त्याआधी हिरेन यांच्या मृत्यू प्रकरणी एक अहवाल काही दिवसांपूर्वी समोर आला होता. त्यात मनसुख यांनी स्वत:ला वाचवण्याचा थोडा प्रयत्न केला होता. मात्र त्यांच्या फुफ्फुसात जास्त पाणी आढळून आलेलं नाही, अशी माहिती शवविच्छेदन अहवालातून पुढे आली होती.
