महिला आयोगाच्या अध्यक्षांनी स्पा मसाजसाठी पाठवला मेसेज, 150 कॉलगर्ल्सची मिळाली 'रेट लिस्ट'

Delhi Commission for Women sends notice to JustDial : स्वाती मालीवाल यांना सोशल मीडिया साइट जस्टडायलवर (Justdial) स्पा मसाजसाठी (Spa Massage) माहिती मिळवायची होती. त्यामुळे त्यांनी जस्टडायलवर मेसेज केला.

नवी दिल्ली : सोशल मीडियाचा वापर एकीकडे चांगल्या कामासाठी होताना दिसत आहे, तर दुसरीकडे याचा गैरवापर सुद्धा होत आहे. सोशल मीडिया हे  लोकांना एकमेकांशी जोडण्याचे काम करत असताना दुसरीकडे सहजासहजी अवैध धंदे करण्याचे ठिकाणही बनत आहे. याचा पुरावा दिल्ली राज्य महिला आयोगाच्या अध्यक्षा (Delhi Commission for Women) स्वाती मालीवाल (Swati Maliwal) यांच्यासोबत घडलेल्या घटनेत आढळून आला आहे. दरम्यान, स्वाती मालीवाल यांना सोशल मीडिया साइट जस्टडायलवर (Justdial) स्पा मसाजसाठी (Spa Massage) माहिती मिळवायची होती. त्यामुळे त्यांनी जस्टडायलवर मेसेज केला. त्यानंतर त्यांना 150 हून अधिक कॉलगर्लचे रेट सांगण्यात आले.  

स्वाती मालीवाल यांचे ट्विट
या घटनेची माहिती स्वतः स्वाती मालीवाल यांनी ट्विटद्वारे दिली आहे. स्वाती मालीवाल यांनी ट्विट केले की, "आम्ही जस्टडायलवर कॉल करून स्पा मसाजची खोटी चौकशी केली, त्यानंतर आमच्या फोनवर असे 50 मेसेज आले, ज्यामध्ये 150 हून अधिक मुलींचे दर सांगण्यात आले. मी जस्ट डायल आणि दिल्ली पोलिसांच्या गुन्हे शाखेला समन्स जारी करत आहे, या धंद्याला चालना देण्यासाठी जस्ट डायलची भूमिका काय आहे?"

हमने Justdial पर कॉल कर स्पा मसाज के लिए फेक इंक्वाइरी की तो हमारे फोन पर 50 ऐसे मेसेज आ गए जिसमें 150 से ज़्यादा लड़कियों के ‘रेट’ बताए गए। जस्ट डायल और दिल्ली पुलिस क्राइम ब्रांच को को समन जारी कर रही हूं, इस धंधे को बढ़ावा देने में Just Dial का क्या रोल है? pic.twitter.com/zGEHHjKEXJ

— Swati Maliwal (@SwatiJaiHind) November 8, 2021

जस्ट डायल आणि पोलिसांना समन्स 
दिल्ली पोलिसांना या प्रकरणाची चौकशी करायची आहे, त्यामुळे नोटीस पाठवण्यात आली आहे. जस्टडायल स्वतः या प्रकरणात एक पक्ष आहे. मी शक्य ती कारवाई करेन. दोषींना शिक्षा झाली पाहिजे. हे खपवून घेतले जाणार नाही, असे दिल्ली राज्य महिला आयोगाच्या अध्यक्षा स्वाती मालीवाल यांनी म्हटले आहे. दरम्यान, दिल्लीत स्पा आणि मसाज सेंटरच्या नावाखाली अनेक ठिकाणी अवैध धंदे सुरू असल्याची माहिती आहे. या ठिकाणी पोलीस वेळोवेळी छापे टाकतात.
 

Read in English