UP: भाजप नेत्याने मित्राची केली हत्या, धड फेकले आणि शिर घेऊन होता फिरत

Murder Case : आरोपीच्या कारमधून एक छिन्नविछिन्न शिर सापडले

उत्तर प्रदेशातील आग्रा येथे एका मित्राने दुसऱ्या मित्राची निर्घृण हत्या केली. आधी गोळ्या झाडल्या, नंतर मित्राचा शिरच्छेद केला. आरोपी हत्येचा सुगावा पोलिसांना न लागू देण्याच्या तयारीत होता, मात्र त्यापूर्वीच गस्तीवर असलेले पोलीस घटनास्थळी पोहोचले आणि गुन्ह्य़ावरून पडदा हटवण्यात आला. पोलिसांना आरोपीच्या कारमधून एक छिन्नविछिन्न शिर सापडले.

काही अंतरावर चांदीच्या व्यापाऱ्याचे शिर शरीरापासून अलग पडलेले दिसले. या घटनेतील आरोपी टिंकू भार्गव आणि अनिल यांना पोलिसांनी अटक केली आहे. टिंकू भार्गव हा भारतीय जनता पक्ष अल्पसंख्याक मोर्चाचा जिल्हाध्यक्ष असल्याचे सांगण्यात येत आहे. मृत नवीन वर्माचा भाऊ प्रवीण शर्मा यांच्या तक्रारीवरून सिकंदरा पोलिसांनी टिंकू भार्गव आणि अनिल यांच्याविरुद्ध गुन्हा दाखल केला आहे.

ही हृदय पिळवटून टाकणारी घटना आग्रा येथील सिकंदरा पोलीस स्टेशन परिसरातील आहे. मृत नवीन वर्माचा भाऊ प्रवीण याने सांगितले की, 4 ऑगस्ट रोजी दुपारी 3.30 वाजता नवीन घरातून अ‍ॅक्टिव्हा घेऊन गेला होता, जेव्हा त्याचा मित्र टिंकू भार्गव कामावर आला. तेव्हा रात्री 8 वाजता मुलीने नवीनला फोन केला. तेव्हा मुलीला फोनवरून नवीनने सांगितले की,तो टिंकू भार्गव आणि त्याचा मित्र अनिलसोबत आहे.
तासाभरानंतर घरच्यांनी पुन्हा फोन केला असता टिंकू आणि नवीनचा फोन बंद होता. रात्री पोलीस प्रवीणच्या घरी पोहोचले आणि सिकंदरा येथे त्याच्या भावासोबत विपरीत घटना घडल्याची माहिती दिली. माहिती मिळताच प्रवीण आपल्या मित्रांसह सिकंदरा अर्सेनाच्या जंगलात पोहोचला. घटनास्थळी रस्त्याच्या कडेला पांढऱ्या रंगाची कार उभी होती.
 

मृत नवीनचे शिर वाहनाच्या आत, तर नग्न धड वाहनाखाली पडलेले होते. आरोपी टिंकू भार्गव हा भाजप अनुसूचित मोर्चाचा जिल्हाध्यक्ष आहे. पोलिसांनी दोन्ही आरोपींना अटक केली आहे. पोलीस पथक आरोपींची कसून चौकशी करत असून दोघांनी हा क्रूर गुन्हा का केला याचा शोध घेत आहेत.