पतीने पत्नीच्या गालाचा घेतला चावा; पोलीस ठाण्यात गुन्हा दाखल

भाईंदर पश्चिमेस डॉ . बाबासाहेब आंबेडकर ( ६० फूट ) मार्गावर जैन अपार्टमेंट मध्ये हिना श्रीपाल शाह ह्या कुटुंबासह राहतात

मीरारोड - नवरात्रीत देवीच्या पूजेसाठी पतीकडे पैसे मागितले म्हणून पत्नीचा गळा दाबत तिच्या गालाचा चावा घेतल्या प्रकरणी भाईंदर पोलिसांनी पती वर गुन्हा दाखल केला आहे. 

भाईंदर पश्चिमेस डॉ . बाबासाहेब आंबेडकर ( ६० फूट ) मार्गावर जैन अपार्टमेंट मध्ये हिना श्रीपाल शाह ह्या कुटुंबासह  राहतात . पती श्रीपाल २०१५ साला पासून हिना यांच्या चारीत्यवर संशय घेऊन मारहाण करत असल्याने तसेच शारीरिक आणि मानसिक छळ प्रकरणी सप्टेंबर २०२३ मध्ये हिना यांच्या फिर्यादी वरून पती , सासू विमलाबेन व मावस सासू शारदाबेन संघवी यांच्यावर भाईंदर पोलीस ठाण्यात गुन्हा दाखल आहे. 

सदर गुन्हा मागे घ्यावा म्हणून त्यांच्यावर दबाव टाकला जात आहे . त्यातच १० ऑक्टोबर रोजी देवीच्या पूजेसाठी पैसे मागितले म्हणून पती श्रीपाल याने वाद सुरु केला . त्याने पत्नीचा गळा दाबून तिला खाली पाडले आणि गालावर चावा घेऊन जखमी केले . सहायक पोलीस निरीक्षक शिपणे हे तपास करत आहेत .