हनीमुनच्या रात्रीच नवऱ्यानं घेतला गळफास; लटकलेला मृतदेह पाहून नवरी बेशुद्ध

लग्नमंडपात शोककळा पसरली. हसऱ्या चेहऱ्यांवर दु:ख आले. नवरीची अवस्था पाहून अनेकांचे डोळे पाणावले.

प्रयागराज - उत्तर प्रदेशच्या प्रयागराज इथं अंगावर काटा आणणारी घटना घडली आहे. याठिकाणी बालापुर इथं एका युवकानं लग्नाच्या दिवशीच सुसाईड केल्यानं खळबळ माजली आहे. घरात नवविवाहित आली होती. नवरीच्या स्वागतासाठी घरातील महिलांची लगबग सुरू होती. तेव्हा अचानक नवऱ्याने त्याच्या खोलीत गळफास घेत आत्महत्या केली. ज्या खोलीत हनीमुन होणार होते तिथेच नवऱ्यानं अखेरचा श्वास घेतला. 

मिळालेल्या माहितीनुसार, २० वर्षीय नागेश घराच्या बाजूलाच किराणाचं दुकान चालवत होता. सोमवारी नागेशचं लग्न घुरपूर इथं राहणाऱ्या मुलीसोबत झाले. लग्नानंतर नवरा-नवरी एकत्र घरी पोहचले. सर्वकाही ठीक सुरू होते. लग्नामुळे घरात आनंदाचं वातावरण होते. नवरीच्या स्वागतासाठी महिला गीत गात होत्या तेव्हा अचानक घरातील एका व्यक्तीने नवरदेव नरेशनं त्याच्या खोलीत आत्महत्या केल्याचं पाहिलं त्यानंतर लग्नघरात गोंधळ उडाला. 

नरेशचा गळफास घेतलेल्या अवस्थेत मृतदेह पाहून सर्वांनाच धक्का बसला. नवऱ्या मुलाचा मृतदेह पाहून नवरीही हडबडली. कदाचित नरेश जिवंत असेल असं कुटुंबाला वाटलं त्यांनी तात्काळ त्याला खाली उतरवले आणि हॉस्पिटलला उपचारासाठी नेले. परंतु डॉक्टरांनी त्याठिकाणी युवकाला तपासून मृत घोषित केले. 

नवऱ्याचा मृतदेह पाहून नवरी चक्कर येऊन बेशुद्ध पडली. घरात लग्नामुळे आनंदाचं वातावरण होतं त्याठिकाणी नरेशनं उचललेल्या या टोकाच्या पावलानं दु:खाचा डोंगर कोसळला. लग्नमंडपात शोककळा पसरली. हसऱ्या चेहऱ्यांवर दु:ख आले. नवरीची अवस्था पाहून अनेकांचे डोळे पाणावले. लग्नानंतर असं काय घडलं ज्याने नरेशला आत्महत्या करावी लागली हाच प्रश्न सगळ्यांना पडला आहे. नरेशच्या आत्महत्येची बातमी वाऱ्यासारखी पसरली. नातेवाईकांनी पोलिसांना न सांगताच नरेशच्या मृतदेहावर अंत्यसंस्कार केले. अद्याप पोलिसांना या घटनेची माहिती नाही त्यामुळे त्यांनीही बोलणं टाळलं आहे.