डोंबिवलीत उद्योगपतीच्या घरात चोरी; चोरटे फरार 

घरातील सुमारे २० लाखांचे दागिने घेऊन पसार झाले. याप्रकरणी मानपाडा पोलीस ठाण्यात तक्रार दाखल करण्यात आली आहे. पोलीस सीसीटीव्हीच्या सहाय्याने या चोरीप्रकरणी तपास करत आहेत. 

डोंबिवली - डोंबिवली येथील मिलापनगर परिसरात राहणारे उद्योगपती विजय पालकर यांच्या घरात चोरी झाल्याने खळबळ माजली आहे. ही घटना आज पहाटे चार वाजताच्या सुमारास घडली आहे. घरात दोन व्यक्ती गाढ झोपेत असताना चोरटे घरात घुसले आणि घरातील सुमारे ५० लाखांचे दागिने, चांदीची भांडी आणि रोकड रक्कम घेऊन पसार झाले. याप्रकरणी मानपाडा पोलीस ठाण्यात तक्रार दाखल करण्यात आली आहे. पोलीस सीसीटीव्हीच्या सहाय्याने या चोरीप्रकरणी तपास करत आहेत. 

विशेष म्हणजे पालकर यांच्या घरात अलार्म यंत्रणा, सीसीटीव्ही कॅमेरा, पाळीव कुत्रा आणि वॉचमन असतानाही हा दरोडा पडल्याने आश्चर्य व्यक्त केले जात आहे. इंडो अमाईनचे मालक, प्रसिद्ध उद्योगपती विजय पालकर यांच्या डोंबिवली येथील घरी आज पहाटे चोरी झाल्याची धक्कादायक घटना घडली आहे. सीसीटीव्ही कॅमेरे, अलार्म यंत्रणा आणि वॉचमन असतानाही या चोरट्यांनी पालकर यांच्या घरात डल्ला मारून लाखो रुपयांचा मुद्देमाल चोरला आहे. त्यामुळे डोंबिवलीत खळबळ उडाली आहे.