भिवंडीत चोराला पकडून केलेल्या मारहाणीत चोरट्याचा मृत्यू

Crime News : दरम्यान मारहाणीत मयत झालेला चोरटा हा असल्याची माहिती पोलिसांकडून मिळत असून त्याच्यावर चोरी व घरफोडी सारखे चार गुन्हे पोलीस ठाण्यात दाखल आहेत.

ठळक मुद्देसमसुद्दिन मोहम्मद शेख ( वय २६ रा लाहोटी कंपाउंड ) असे मयत झालेल्या चोरट्याचे नाव आहे.

भिवंडी ( दि . ५ ) शहर परिसरात चोरांचा सुळसुळाट वाढला असून चोरी करण्याच्या उद्देशाने आलेल्या चोरट्याला पकडून त्याला केलेल्या मारहाणीमध्ये चोरट्याचा मृत्यू झाल्याची धक्कादायक घटना भिवंडी शहरातील बालाजीनगर परिसरात बुधवारी घडली आहे. या हत्येप्रकरणी नारपोली पोलिसांनी तिघांना अटक केली आहे . अजय वर्मा ( वय २९ ) , अश्रफ खान ( वय  २४ ) , सुरज वर्मा ( वय  २७ ) असे चोरट्याच्या हत्ये प्रकरणी अटक आरोपींची नावे आहेत . तर समसुद्दिन मोहम्मद शेख ( वय २६ रा लाहोटी कंपाउंड ) असे मयत झालेल्या चोरट्याचे नाव आहे. दरम्यान मारहाणीत मयत झालेला चोरटा हा असल्याची माहिती पोलिसांकडून मिळत असून त्याच्यावर चोरी व घरफोडी सारखे चार गुन्हे पोलीस ठाण्यात दाखल आहेत.
           

शहरातील नारपोली पोलीस ठाणे अंतर्गत बालाजीनगर परिसरामध्ये असलेल्या एका खानावळ मध्ये बुधवारी पहाटे दोघा चोरट्यांनी चोरीच्या उद्देशाने गेले असता एक चोरटा खानावळीच्या बाहेर दुचाकीवर उभा राहिला व दुसऱ्या चोरट्याने खाणावळीचे शटर उचकटून आत शिरला होता व येथील मोबाईल तसेच बॅग घेऊन जात असताना शटरचा आवाज आल्याने खानावळ मध्ये झोपलेल्या कामगारांनी चोराला बाहेर निघत असताना पाहिले व आरडाओरडा करून कामगारांना तसेच मालकाला उठवून चोराला पकडले  व त्याला बेदम मारहाण करण्यास सुरुवात केली.  दरम्यान आपला साथीदार मित्र पकडला गेला असल्याने बाहेर उभा असलेल्या चोरटा आपल्या दुचाकीवरून पळून गेला. मात्र झालेल्या मारहाणीत समसुद्दिन शेख यास वर्मी मार लागल्याने त्याची प्रकृती गंभीर झाल्या नंतर मारहाण करणाऱ्या आरोपींनी घटनेची माहिती पोलिसांना दिली . गंभीर मारहाण झालेल्या समसुद्दीन यास तात्काळ भिवंडी उपजिल्हा रुग्णालयात पाठवण्यात आले होते मात्र त्याचा उपचारादरम्यान मृत्यू झाला. तर या मारहाण व हत्ये प्रकरणी पोलिसांनी खानावळ मालक व त्याच्या दोन कर्मचाऱ्यां विरोधात हत्येचा गुन्हा दाखल करीत तिघांनाही अटक केली असून पुढील तपास नारपोली पोलीस करीत आहे.