विकृतीचा कळस! 3 वर्षांच्या चिमुकलीवर बलात्कार आणि हत्या, 20 दिवसांतील तिसरी घटना

By ऑनलाइन लोकमत | Published: September 4, 2020 12:43 PM2020-09-04T12:43:46+5:302020-09-04T13:15:29+5:30

लहान मुलीचा मृतदेह हा गावातील एका ऊसाच्या शेतात आढळून आला आहे. पोलीस या प्रकरणाचा अधिक तपास करत आहेत.

third incidents in 20 days 3 years old raped and murdered in lakhimpur kheri | विकृतीचा कळस! 3 वर्षांच्या चिमुकलीवर बलात्कार आणि हत्या, 20 दिवसांतील तिसरी घटना — विकृतीचा कळस! 3 वर्षांच्या चिमुकलीवर बलात्कार आणि हत्या, 20 दिवसांतील तिसरी घटना

लखनऊ - उत्तर प्रदेशातील लखीमपूर खीरी जिल्ह्यात एक धक्कादायक घटना समोर आली आहे. अवघ्या तीन वर्षांच्या चिमुरडीवर बलात्कार करून हत्या करण्यात आल्याचा भयंकर प्रकार समोर आला आहे. धक्कादायक बाब म्हणजे 20 दिवसांमध्ये बलात्कार आणि हत्येची ही तिसरी घटना असल्याची माहिती मिळत आहे. लहान मुलीचा मृतदेह हा गावातील एका ऊसाच्या शेतात आढळून आला आहे. पोलीस या प्रकरणाचा अधिक तपास करत आहेत.

मिळालेल्या माहितीनुसार, तीन वर्षांची मुलगी बुधवारपासून बेपत्ता झाली होती. तिच्या कुटुंबीयांनी तिचा शोध घेण्याचा प्रयत्न केला. त्यावेळी शेतात तिचा मृतदेह आढळला आहे. तसेच तिच्या शरीरावर काही खुणाही सापडल्या आहेत. मुलीच्या वडिलांनी गावातच राहणाऱ्या एका व्यक्तीवर आपल्या मुलीच्या हत्येचा आरोप केला आहे. जुन्या शत्रुत्वामुळे आपल्या मुलीचं अपहरण करून तिची हत्या करण्यात आल्याचं त्यांनी म्हटलं आहे.

बापरे! मृतदेह शवगृहात न ठेवता रात्रभर रुग्णालयाबाहेरील शेडच्या खाली ठेवलाhttps://t.co/TSQfOImZnB
— Lokmat (@MiLOKMAT) September 4, 2020

गेल्या 20 दिवसांत अशा घटना घडत असल्याने गावकऱ्यांमध्येही भीतीचे वातावरण निर्माण झाले आहे. मुली घरातून गायब होतात. त्यानंतर त्यांचा मृतदेह शेतात मिळतो. तसेच मेडिकल रिपोर्टमधून त्यांच्यावर बलात्कार झाल्याची माहिती समोर येत आहे. याआधी काही दिवसांपूर्वी अशाच पद्धतीने दोन मुलींची हत्या झाली होती. त्यानंतर त्यांचे मृतदेह सापडले होते. विरोधी पक्षांनी यावरून योगी सरकारवर निशाणा साधत हल्लाबोल केला आहे. एका हिंदी वेबसाईटने याबाबतचे वृत्त दिले आहे.

माणुसकीला काळीमा! शुद्धीकरणासाठी तरुणीला केलं निर्वस्त्र, 400 लोकांसमोर घातली आंघोळ

राजस्थानाच्या सीकरमध्ये माणुसकीला काळीमा फासणारी एक घटना समोर आली आहे. शुद्धीकरणासाठी एका प्रेमी युगुलाला निर्वस्त्र केल्याचा भयंकर प्रकार समोर आला. या दोघांना जवळपास 400 लोकांसमोर गावात आंघोळ घालण्यात आली. सीकरमधील एका गावात ही लाजिरवाणी घटना घडली. खाप पंचायतीच्या आदेशानंतर प्रेमी युगुलासोबत असं वर्तन करण्यात आलं. गावातील एका तरुण-तरुणीच्या प्रेमसंबंधांचा एक व्हिडीओ व्हायरल झाला होता. त्यामुळे पंचांनी या दोघांचं शुद्धीकरण करण्याचा आदेश दिला. तसेच दंडही ठोठावला. शुद्धीकरण करताना या दोघांना निर्वस्त्र करून जवळपास 300 ते 400 गावकऱ्यांच्या उपस्थितीत आंघोळ घातल्याची धक्कादायक घटना घडली आहे.

बिल भरल्यानंतर रुग्णाचा मृत्यू झाल्याची दिली माहिती https://t.co/ZobfQ6eUJg #coronavirus #CoronavirusIndia #CoronaUpdatesInIndia #COVID19India #coronainindia
— Lokmat (@MiLOKMAT) September 4, 2020

दंड न भरल्याने पंचांनीच केला महिलेवर सामूहिक बलात्कार

काही दिवसांपूर्वी पश्चिम बंगालच्या बीरभूम जिल्ह्यात एका आदिवासी महिलेवर सामूहिक बलात्कार केल्याची लज्जास्पद घटना घडली होती. या प्रकरणी चौघांना अटक करण्यात आली आहे. महिलेवर अनैतिक संबंध ठेवल्याचा आरोप करण्यात आला होता आणि पंचायतीने तिला एक लाख रुपये दंडाची शिक्षा सुनावली होती. मात्र एवढा दंड भरणं महिलेला शक्य झालं नाही. दंड न भरल्याने पंचांनी महिलेवर बलात्कार केल्याची धक्कादायक घटना समोर आली होती.