जपानी महिलेचा विनयभंग, योगा शिक्षकांसह तिघांना अटक 

महिलेने चार जणांविरूद्ध तक्रार दाखल केली असल्याचे पोलिसांनी सांगितले. चौथ्या आरोपीला अटक होणे बाकी आहे.

ठळक मुद्देहरिकिशन सिंह (43), चंद्रकांत डहाळ (३२) हे दोघेही योगा शिक्षक आणि योगा प्रशिक्षण केंद्रातील स्वयंपाकघरातील कर्मचारी सोमराज (२२) अशी अटक करण्यात आलेल्यांची नावे आहेत.आयपीसीच्या कलम 354 (अ) आणि  354 (ड) अंतर्गत आरोपीविरुद्ध गुन्हा दाखल केला. चौघांपैकी वर उल्लेख केलेल्या तीन आरोपींनाऋषिकेशमधील त्यांच्या घरातून अटक करण्यात आली

उत्तराखंड पोलिसांनी ऋषिकेश येथे रविवारी एका जपानी महिलेला लैंगिक शोषण केल्याच्या आरोपाखाली दोन योग शिक्षकांसह तीन जणांना अटक केली आहे. हरिकिशन सिंह (43), चंद्रकांत डहाळ (३२) हे दोघेही योगा शिक्षक आणि योगा प्रशिक्षण केंद्रातील स्वयंपाकघरातील कर्मचारी सोमराज (२२) अशी अटक करण्यात आलेल्यांची नावे आहेत. अटक आरोपींविरोधात महिलेने चार जणांविरूद्ध तक्रार दाखल केली असल्याचे पोलिसांनी सांगितले. चौथ्या आरोपीला अटक होणे बाकी आहे.

देहरादूनचे उपनिरीक्षक अरुण मोहन जोशी म्हणाले, परदेशी नागरिकांनी शनिवारी तक्रार दाखल केली. त्यानंतर पोलिसांनी कारवाई सुरू केली. “तिने तक्रारीत म्हटले आहे की, काही महिन्यांपूर्वी ती ऋषिकेश येथे लोकप्रिय पर्यटन शहरातील योग प्रशिक्षण केंद्रात योग शिकण्यासाठी आली होती. केंद्रात तेथे काम करणाऱ्या चारही आरोपींनी लैंगिक शोषण आणि अश्लील बोलून तिचा छळ करण्यास सुरवात केली.

लैंगिक छळाला कंटाळून महिलेने ऋषिकेश पोलिसांत तक्रार दाखल केली. “तक्रारीच्या आधारे आम्ही ताबडतोब आयपीसीच्या कलम 354 (अ) आणि  354 (ड) अंतर्गत आरोपीविरुद्ध गुन्हा दाखल केला. चौघांपैकी वर उल्लेख केलेल्या तीन आरोपींनाऋषिकेशमधील त्यांच्या घरातून अटक करण्यात आली होती, ”जोशी म्हणाले. ते म्हणाले, “लवकरच त्यांना स्थानिक न्यायालयात हजर केले जाईल. चौथ्या आरोपीला पकडण्यासाठी पोलीस तपास सुरू आहे.”

धक्कादायक! लॉकडाऊनला कंटाळून इंजिनीयरची आत्महत्या

 

Video : लॉकडाउनमध्ये पोलिसाची ड्युटी सोडून 'सिंघम' गिरी, धाडली कारणे दाखवा नोटीस

 

डहाणूत एका कुटुंबावर प्राणघातक हल्ला, एकजण ठार तर तीन गंभीर जखमी