थरारक! घरासमोर जाऊन टोळक्याने गुंडाची चाकू भोसकून हत्या 

निनाइनगर परिसरात मध्यरात्री घडली घटना;एकमेकाला खुन्नस

ठळक मुद्देघरासमोर जाऊन पोटावर,छातीवर आणि पाठीत चाकूने भोसकून त्याचा जागीच खून करून या टोळक्याने पलायन केले.मृत आणि हल्लेखोर हे मोक्का,तडीपारीसारख्या शिक्षा लागलेले आहेत. मृत संतोष कदम हा कोळेकर गँगचा सदस्य आहे.त्याची आणि अज्या पाटील याची रविवारी रात्री बाचाबाची झाली.

इस्लामपूर - शहरातील ताकारी रस्त्यावरील चांदोली धरणग्रस्तांची वसाहत असलेल्या निनाइनगर परिसरात मध्यरात्री १ च्या सुमारास रेकॉर्डवरील गुंडाचा दुसऱ्या गुंडांच्या टोळीने खात्मा केला. घरासमोर जाऊन पोटावर,छातीवर आणि पाठीत चाकूने भोसकून त्याचा जागीच खून करून या टोळक्याने पलायन केले. मृत आणि हल्लेखोर हे मोक्का, तडीपारीसारख्या शिक्षा लागलेले आहेत.

संतोष रखमाजी कदम (२७) असे खून झालेल्या गुंडाचे नाव आहे. त्याच्यावर खून,खुनाचा प्रयत्न आणि मारहाणीचे गुन्हे नोंद आहेत. तर हल्लेखोर अजित हणमंत पाटील,पांड्या जाधव,प्रतीक उर्फ पिल्या पाटील आणि त्याच्या ४ साथीदारांविरुद्ध खुनाचा गुन्हा नोंद करण्यात आला आहे. सर्व हल्लेखोरांवर अनेक गुन्ह्यांची नोंद असल्याने आता या टोळीला मोक्का लावण्याच्या हालचाली पोलिसांनी सुरू केल्या आहेत.

मृत संतोष कदम हा कोळेकर गँगचा सदस्य आहे.त्याची आणि अज्या पाटील याची रविवारी रात्री बाचाबाची झाली. यावेळी तेथून निघालेल्या पोलिसाने ता सर्वांना हटकले होते.तेथून हे सर्वजण निघून गेले.कदम हा निनाइनगर मधील घरी गेला.मात्र अपमान झाल्याची भावना झालेला अज्या पाटील सुडाने पेटला होता.त्याने आपल्या साथीदारांना जमा करून निनाइनगर येथे जाऊन संतोष कदम याला घरातून बाहेर बोलावून घेत चाकूने वार करून त्याचा खून केला.तडीपारीच्या शिक्षेला स्थगिती मिळवत हे गुंड खुलेआम फिरत होते.

अन्य महत्वाच्या बातम्या...

 

५ प्रेमविवाहानंतर पतीचा दुर्दैवी अंत; पहिल्या पत्नीनेच १ कोटींची सुपारी देऊन काढला काटा

 

लग्न सोहळ्यात वादग्रस्त हळदी समारंभामुळे आले विघ्न, तिघांवर गुन्हा दाखल

 

हृदयद्रावक! बंद फ्लॅटमध्ये दाम्पत्याची आत्महत्या; पोलिसांनी दरवाजा उघडताच ८ महिन्यांचे बाळ दिसले रांगताना 

 

बापरे! आई आणि  मुलाच्या अनैतिक संबंधाच्या संशयातून सावत्र बापाने केली मुलाची हत्या

 

भारत-पाकिस्तान सीमेवर PMAYच्या घरासाठी खोदकाम सुरू होते; लोखंड पाहून मजुरांना घामच फुटला

 

नवऱ्याने टीव्ही दिला नाही म्हणून पत्नीने पोटच्या मुलांना विष पाजले; आत्महत्येचा प्रयत्न

 

 

Coronavirus News : कोविड केअर सेंटरमध्ये क्वारंटाईन केलेल्या युवकाची आत्महत्या