Tunisha sharma : शिझान खानला ४ दिवसांची पोलीस कोठडी; तुनिषाला आत्महत्येस प्रवृत्त केल्याचा आरोप
By ऑनलाइन लोकमत | Published: December 25, 2022 02:08 PM2022-12-25T14:08:59+5:302022-12-25T16:22:15+5:30
टीव्ही अभिनेत्री तुनिषा शर्माने शूटिंग सेटवरच गळफास लावून आत्महत्या केल्याने टेलिव्हिजन क्षेत्रात खळबळ माजली आहे.
Tunisha sharma : शिझान खानला ४ दिवसांची पोलीस कोठडी; तुनिषाला आत्महत्येस प्रवृत्त केल्याचा आरोप
Next टीव्ही अभिनेत्री तुनिषा शर्माने (Tunisha Sharma) शूटिंग सेटवरच गळफास लावून आत्महत्या केल्याने टेलिव्हिजन क्षेत्रात खळबळ माजली आहे. काही तासांपूर्वी सीनसाठी तयार होत असतानाचा व्हिडिओ तुनिषाने सोशल मीडियावर पोस्ट केला होता. मग असे काय झाले की तिने इतके टोकाचे पाऊल उचलले? तुनिषाच्या आईने अभिनेता शिझान खानवर (Sheezan Khan) गंभीर आरोप केले आहे. शिझानला कंटाळून तुनिषाने आत्महत्या केल्याचा आरोप तुनिषाच्या आईने केला आहे. आईच्या तक्रारीवरुन पोलिसांनी गुन्हा दाखल केला असून वसई कोर्टाने शिझानला ४ दिवसांची पोलिस कोठडी सुनावली आहे.
शिझाननेच तुनिषााला आत्महत्या करण्यास प्रवृत्त केल्याचा आरोप तिच्या आईने केला. शिझानला आज न्यायालयात हजर करण्यात आले. वालीव पोलिसांनी भारतीय दंड संहितेच्या (आयपीसी) कलम ३०६ (आत्महत्येला प्रवृत्त करणे) अंतर्गत खानविरुद्ध एफआयआर नोंदवला आहे. आरोपीला रविवारी वसई न्यायालयात पोलिसांनी हजर केल्यावर चार दिवसांची पोलीस कोठडी सुनावण्यात आली आहे. पोलिसांकडे अजून पर्यंत ठोस पुरावा नसून फक्त आरोप करण्यात आले आहे. या गुन्ह्याचा पुढील तपास अजून बाकी असल्याची माहिती शिजानचे वकील शरद राव यांनी सांगितले आहे. पोलिसांना अधिक तपास करायचा असल्याने शिझानला २८ डिसेंबर पर्यंत पोलिस कोठडी सुनावण्यात आल्याची माहिती शिझानचे वकील शरद राय यांनी दिली आहे.
#UPDATE | TV actor Tunisha Sharma death case: Tunisha Sharma's co-star & accused Sheezan Khan sent to 4-day police custody by Vasai court in Mumbai.
— ANI (@ANI) December 25, 2022
Tunisha Sharma : शिझानच्या मेकअपरुममध्येच तुनिषाने केली आत्महत्या; कोण आहे शिझान खान ?
१५ दिवसांपूर्वीच झाला होता ब्रेकअप
तुनिषाच्या आईने सांगितल्याप्रमाणे १५ दिवसांपूर्वीच दोघांचा ब्रेकअप झाला होता. माझी मुलगी नैराश्यात गेली होती. शिझानमुळेच तिने हे टोकाचे पाऊल उचलले आहे. शिझानचे दुसऱ्या मुलीसोबत प्रेमप्रकरण सुरु झाले आणि हे तुनिषाला सहन झाले नाही. १६ डिसेंबरला तुनिषाला पॅनिक अटॅक आला होता. कारण १५ डिसेंबरला तिला शिझानविषयी कळाले होते. शिझानने माझा विश्वासघात केला असं ती सतत म्हणत होती.