दोन दुचाकींची समोरासमोर धडक; दोनजणांचा जागीच मृत्यू तर दोनजण गंभीर

Accident case : दर्यापूर रोडवर सिरसो फाट्या पुढे असलेल्या शिव मंदिराजवळ दोन दुचाकीची जोरदार धडक झाली.

मूर्तिजापूर (जि. अकोला) : दुचाकीची समोरासमोर धडकल्याने झालेल्या अपघातात २ जण ठार व २ जण जखमी झाल्याची घटना दुपारी ३ वाजताच्या दरम्यान दर्यापूर रोडवरील सिरसो परिसरातील शिवमंदिरा जवळ २२ जुलै रोजी घडली.

दर्यापूर रोडवर सिरसो फाट्या पुढे असलेल्या शिव मंदिराजवळ दोन दुचाकीची जोरदार धडक झाली. या धडकेत दोन जण ठार झाले तर दोन जण गंभीर जखमी झाले. ४ वर्षीय मुलगा व १२ वर्षाच्या भाची व ४ वर्षाच्या मुलासह सोबत दुचाकीवर माना ता. मूर्तिजापूर येथिल मो. रिझवानद्दीन मो. सैफुद्दीन (३२) हे दर्यापूरकडे आपल्या एम एच ३० बी के ४९९६ ने जात असताना समोरुन येणाऱ्या एम एच २७ एबी ९९२४ या दोन दुचाकीत समोरासमोर जोरदार धडक झाल्याने दोन जण ठार झाले. माना येथील मो. रिझवानद्दीन मो. सैफुद्दीन (३२) घटनास्थळीच ठार झाले. तर भाची अत्यवस्थ असल्याने पुढील उपचारासाठी अकोला येथे पाठविण्यात आले होते परंतु तिचाही उपचारा दरम्यान मृत्यू झाला. 

दोन्ही दुचाकीची समोरासमोर झालेला जबर धडक मध्ये रियाजोदीन सैफुदिन वय ३२ राहणार माना हा जागीच ठार झाला तर त्याची भाची १२ वर्षाची व ४ वर्षाचा मुलगा जखमी झाला तर दुसऱ्या दुचाकी वरील योगेश जगन्नाथ गावंडे राहणार उमरी योगी (महाराज) दर्यापूर हा गंभीररीत्या जखमी झाल्याने सर्वांना स्थानिक लक्ष्मीबाई देशमुख उपजिल्हा रुग्णालयात उपचारार्थ दाखल करण्यात आले होते. परंतु परिस्थिती चिंताजनक असल्याने पुढील उपचारासाठी त्यांना अकोला येथे दाखल करण्यात आले. घटनेची माहिती मिळताच ग्रामीण पोलिस ठाण्याचे हेड पोलिस कॉन्स्टेबल विनोद राठोड एन पी सी राजेश्वर सोनोने हे घटनास्थळी रवाना होउन जखमींना रूग्णालयात दाखल केले.