Sidhu Moose Wala Murder: सिद्धू मुसेवालाच्या शरीराची केली चाळण, शवविच्छेदनात मृतदेहावर दोन डझन गोळ्यांच्या जखमा आढळल्या

Sidhu Moose Wala Murder: मुसेवाला यांच्या शरीरावर सुमारे दोन डझन गोळ्यांच्या जखमा असल्याचे सांगण्यात येत आहे.

पंजाबी गायक सिद्धू मुसेवालाच्या हत्येनंतर राज्य पोलीस कडक कारवाईच्या वळणावर दिसत आहेत. पंजाबपोलिसांनी उत्तराखंडमधून ६ जणांना चौकशीसाठी ताब्यात घेतल्याचे सांगण्यात येत आहे. दुसरीकडे, सिद्धू मुसेवाला यांच्या मृतदेहाचे पोस्टमॉर्टमही पूर्ण झाले आहे. पाच डॉक्टरांच्या समितीने सिद्धू मुसेवाला यांचे पोस्टमॉर्टम पूर्ण केले आहे.

मुसेवाला यांच्या शरीरावर सुमारे दोन डझन गोळ्यांच्या जखमा असल्याचे सांगण्यात येत आहे. रिपोर्टनुसार, अतिरक्तस्रावामुळे मृत्यू झाल्याचे सांगण्यात येत आहे. त्याचबरोबर या हत्याकांडात मुसेवालाच्या अंतर्गत अवयवांनाही जखमा आढळल्या आहेत. याशिवाय डोक्याच्या हाडातून एक गोळीही सापडली आहे.

एकानं समोरून झाडल्या गोळ्या, ६ जणांनी केलं कव्हर; १०० राऊंड फायर, अशी झाली मूसेवालाची हत्या

मिळालेल्या माहितीनुसार, व्हिसेराचे नमुने पुढील तपासासाठी पाठवण्यात आले आहेत. त्याच वेळी, पोस्टमॉर्टमचे निकाल अद्याप पोलिसांना शेअर केलेले नाहीत. दुसरीकडे, सर्व संशयितांची ओळख पटल्याचे अधिकाऱ्यांचे म्हणणे आहे आणि लवकरच त्यांना अटक करण्यात येईल.
 

पोलीस सीसीटीव्ही तपासत आहेत

सिद्धू मुसेवाला खून प्रकरणाचा तपास करत असलेले पोलीस सोमवारी मानसातील कांचिया भागातील मनसुख वैष्णो ढाब्यावर पोहोचले. ढाब्यावर लावलेला सीसीटीव्ही कॅमेरा स्कॅन करण्यात आला, २९ मे रोजी सीसीटीव्हीमध्ये काही मुले ढाब्यावर जेवण करताना दिसली, पंजाब पोलिसांनी सीसीटीव्ही सोबत घेतले आहेत. हल्लेखोर जेवण घेण्यासाठी या ढाब्यावर थांबले असल्याचा संशय पोलिसांना आहे. सीसीटीव्हीत दिसणारी ही मुले खरोखरच हल्लेखोर असली तरी त्यांचा या हत्येत सहभाग आहे की नाही, याचा तपास आता होणार आहे.

लॉरेन्स बिश्नोई चौकशी 

मात्र, पंजाबमधील मानसा येथे रविवारी पंजाबी गायक सिद्धू मूसवाला यांच्या हत्येची जबाबदारी लॉरेन्स बिश्नोई टोळीने घेतल्याचा संशय आहे. दिल्ली पोलिसांच्या विशेष पथकाने सोमवारी याप्रकरणी लॉरेन्स बिश्नोईची चौकशी केली असून त्याच्या बॅरेक्सचीही झडती घेतली आहे. मात्र, झडतीदरम्यान पोलिसांना लॉरेन्सच्या बॅरेकमधून काहीही मिळाले नाही.