दुर्दैवी! शेतातून घराकडे जाणाऱ्या ट्रॅक्टरवर विजेची तार कोसळली, १३ जणांचा मृत्यू
By ऑनलाइन लोकमत | Published: May 14, 2020 11:04 PM2020-05-14T23:04:51+5:302020-05-14T23:06:44+5:30
अपघातग्रस्त ट्रॅक्टरमध्ये ३० प्रवासी प्रवास करत होते.
दुर्दैवी! शेतातून घराकडे जाणाऱ्या ट्रॅक्टरवर विजेची तार कोसळली, १३ जणांचा मृत्यू
शेतातली कामे संपल्यानंतर संध्याकाळी घराकडे जाणाऱ्या ट्रॅक्टरवर विजेची तार कोसळली आणि या अपघातात १३ जणांचा मृत्यू झाला. ही दुर्दैवी घटना आंध्र प्रदेशमध्ये घडली आहे. आंध्र प्रदेश येथील प्रकाशम जिल्ह्यातील माचावरम भागात हा अपघात घडला आहे. मृत १३ व्यक्तींमध्ये ११ महिला शेतमजुर आहेत. त्यांच्यासोबत ट्रॅक्टरचा चालक आणि हेल्पर यांचा देखील मृत्यू झाला.
'शर्म करो गहलोत', सामूहिक बलात्कार प्रकरणात हॅशटॅग ट्रेंड करत विरोधकांनी सीएमना घेरलं
मिरचीच्या शेतात काम करणाऱ्या मजूर महिला सायंकाळी आपली काम संपवून ट्रॅक्टरने घराकडे निघाल्या होत्या. अपघातग्रस्त ट्रॅक्टरमध्ये ३० प्रवासी प्रवास करत होते. ट्रॅक्टर चालकाचा ताबा सुटल्याने ट्रॅक्टर जवळच्या विजेच्या खांबाला जाऊन आदळला. नंतर खांबावरील विजेची तार ट्रॅक्टरवर कोसळली. या अपघातात १३ जणांचा मृत्यू झाला आहे. इतर व्यक्ती किरकोळ जखमी झाले आहेत.
