आधी बेशुद्ध केलं, नंतर बुरका घातला...तरूणाने दिवसाढवळ्या तरूणीचं केलं दुसऱ्यांदा अपहरण....

Minor girl kidnaped in Agra : सीसीटीव्हीमध्ये तरूणीचं अपहरण करण्याची घटना कैद झाली आहे. चौकशीनंतर समोर आलं आहे की, फुटेजमधील आरोपी तरूण मेहताब हा आहे.

आग्रा (Agra) शहरातून खुलेआम एका तरूणीचं अपहरण (Girl Kidnapped) करण्यात आल्याने एकच खळबळ उडाली आहे. आधी अपहरणकर्त्याने तरूणीला बुरका घातला आणि नंतर तिचं अपहरण केलं. ही संपूर्ण घटना सीसीटीव्ही कॅमेरात कैद झाली आहे. अपहरणाची सूचना मिळताच पोलिसांनी तरूणीचा शोध सुरू केला आहे. 

आग्र्यातील (Agra) न्यू आग्रा पोलीस स्टेशन क्षेत्रातील दयालबादमध्ये एका तरूणाने तरूणीचं दिवसाढवळ्या अपहरण केलं. या घटनेनंतर पोलिसांनी कारवाई सुरू केली आहे. घटनास्थळाच्या आजूबाजूला लागलेल्या सीसीटीव्ही फुटेज तपासण्यात आलं.  या सीसीटीव्हीमध्ये तरूणीचं अपहरण (Minor girl kidnaped) करण्याची घटना कैद झाली आहे. चौकशीनंतर समोर आलं आहे की, फुटेजमधील आरोपी तरूण मेहताब हा आहे. (हे पण वाचा : तोतया प्राध्यापकाने दोघींना फसवून थाटला तिसरीशी संसार; पत्नीशी जबरदस्तीने अनैसर्गिक संबंध)

सीसीटीव्हीमध्ये मेहताबसोबत एका तरूणी दिसत आहे. तिला आरोपी आधार देत आपल्यासोबत घेऊन जात आहे. असे सांगितले जात आहे की, ही तिच तरूणी आहे जिचं अपहरण आरोपीने नशेचे पदार्थ देऊन केलं आहे. पोलिसांनी आरोपी विरोधात गुन्हा दाखल केला असून तरूणीला शोधण्याची मोहिम सुरू केली आहे. (हे पण वाचा : डॉक्टर तुम्ही सुद्धा... पती घरातच चालवायचा सेक्स रॅकेट, शिक्षिका पत्नीचा विरोध असल्याने रचला हत्येचा कट )

एसएसपी बबलू कुमार यांनी सांगितले की, पीडित ताजगंज परिसरात राहणारी आहे. २०१८ मध्येही आरोपी मेहताबने पीडितेचं अपहरण केलं होतं. त्यावेळी तो पकडण्यात आला होता. मेहताबच्या भीतीने तरूणी आपलं घर सोडून नातेवाईकांच्या घरी राहत होती.

बबलू कुमार यांनी सांगितले की, आपल्या परिवारासोबत याच केसच्या सुनावणीसाठी आली होती. यादरम्यान संधी मिळताच आरोपीने तरूणीच अपहरण केलं. एसएसपी आग्रा यांनी सांगितले की, आरोपीचा शोध घेणं सुरू आहे. लवकरच तरूणीचा शोध लावला जाईल.