काका पडला पुतणीच्या प्रेमात, कुटुंबियांनी लग्नाला विरोध केला तर दोघांनी केली आत्महत्या

Uttar Pradesh : घटनेची सूचना मिळताच पोलीस घटनास्थळी पोहोचले आणि मृतदेह ताब्यात घेऊन पोस्टमार्टमसाठी पाठवण्यात आहे. सध्या प्रकरणाची चौकशी सुरू आहे.

Uttar Pradesh : उत्तर प्रदेशच्या फतेहपूर जिल्ह्यात नात्याने काका लागणारा व्यक्ती पुतणीच्या प्रेमात पडला. परिवारातील लोक दोघांच्या लग्नासाठी तयार झाले  नाही त्यामुळे दोघांनी गळफास लावून आत्महत्या केली. घटनेची सूचना मिळताच पोलीस घटनास्थळी पोहोचले आणि मृतदेह ताब्यात घेऊन पोस्टमार्टमसाठी पाठवण्यात आहे. सध्या प्रकरणाची चौकशी सुरू आहे.

ही घटना मुत्तोर गावातील आहे. या घटनेनंतर परिवारावर शोककळा पसरली आहे. सोबत जगण्या-मरणाची शपथ घेऊन काका आणि पुतणीने एकत्र गळफास लावून घेत जीवन संपवलं. प्रेमी युगुलाच्या मृत्यूनंतर कुटुंबियांची स्थिती फारच वाईट झाली आहे. असं सांगितलं जात आहे की, काका आणि पुतणीमध्ये बऱ्याच महिन्यांपासून प्रेम प्रकरण सुरू होतं. अनेकदा समजावून सांगितल्यावरही दोघांनी भेटणं बंद केलं नव्हतं. तेव्हा एकदा तरूणीला कुटुंबियांनी मारहाण केली होती.

कुटुंबियाच्या दबावानंतर काका सूरतला निघून गेला होता आणि काही दिवसांनी त्याला त्याचं लग्न ठरवण्यात आल्याचं समजलं. तेव्हा तो गावी परत आला. तेव्हा त्याने प्रेयसीसोबत एका रूममध्ये  गळफास लावून घेत आत्महत्या केली. सीओ अनिल कुमार म्हणाले की, एक तरूण आणि तरूणीचा मृतदेह गळफास घेतलेल्या स्थितीत आढळून आला. त्यांचं बऱ्याच महिन्यांपासून प्रेम प्रकरण सुरू होतं. आत्महत्येची केस दाखल करण्यात आलं आहे.