Video: मोबाईल चोराला धावत्या ट्रेनबाहेर लटकवला, आरोपी करत होता हात न सोडण्याची विनवणी

एक व्हिडीओ सोशल मीडियावर मोठ्या प्रमाणात व्हायरल होत आहे.

बिहारमधील बेगुसराय येथे मंगळवारी सायंकाळी गोळीबाराची घटना घडली. या घटनेमुळे बिहारमधील हे शहर आजही चर्चेत आहे. दरम्यान, बेगुसरायचा आणखी एक व्हिडीओ सोशल मीडियावर मोठ्या प्रमाणात व्हायरल होत आहे.

या व्हिडिओमध्ये एक व्यक्ती ट्रेनच्या बाहेर खिडकीला लटकताना दिसत आहे. आत बसलेल्या लोकांना तो हात सोडू नका अशी विनवणी करतोय. ट्रेनला लटकलेली व्यक्ती स्थानिक भाषेत म्हणत आहे की मला सोडू नका नाहीतर मी मरेन. ही घटना सोनपुर कटिहार येथील साहेबपूर कमाल स्टेशनची आहे. या ठिकाणी दोन चोर सत्यम कुमार नावाच्या प्रवाशाचा मोबाईल चोरून पळ काढत होते. परंतु एका चोराला पळून जाण्यात अपयश आलं.

ये वीडियो बिहार के बेगूसराय का बताया जा रहा है।

जहां चलती ट्रेन से मोबाईल चोरी करने वाले व्यक्ति को लोगों ने पकड़ लिया और फिर कई किमी दूर तक ये यूंही लटका रहा। वीडियो में चोर लोगों से हाथ ना छोड़ने की मिन्नतें करता नज़र आ रहा है। pic.twitter.com/y2pKVge8Sn

— Shubhankar Mishra (@shubhankrmishra) September 15, 2022

दरम्यान, दुसऱ्या चोराला प्रवाशांनी ट्रेनच्या खिडकीतून पकडून ठेवलं. याच दरम्यान ट्रेनही निघाली. धावत्या ट्रेनमध्ये मोबाईल चोरणाऱ्या व्यक्तीला अनेक किलोमीटरपर्यंत असंच लटकवून नेण्यात आलं असंही म्हटलं जात आहे. हा १३ सेकंदाचा व्हिडीओ सोशल मीडियावर मोठ्या प्रमाणात व्हायरल होत आहे. मी बेगुसरायपासून प्रवास करत होतो आणि खिडकीकडे बसून मोबाइलवर बोलत होता. यादरम्यान माझा मोबाईल हिसकावू घेतला, असं सत्यम कुमार या प्रवाशानं सांगितलं. तसंच त्यानं मोबाइल दुसऱ्या साथीदाराला दिला. त्याच्या दुसऱ्या साथीदाराला लोकांनी पकडलं आणि रेल्वे पोलिसांकडे दिलं, असंही तो म्हणाला.