Video: कुख्यात गँगस्टर जर्नेल सिंगचा दिवसा ढवळ्या खून, हल्लेखोरांनी 20 ते 25 गोळ्या झाडल्या

अचानक गोळीबार झाल्याने जर्नेल सिंगला स्वतःचा बचाव करता आला नाही. पाहा Video...

अमृतसर:पंजाबमधील अमृतसर जिल्ह्यात कुख्यात गँगस्टर जर्नेल सिंगची दिवसा ढवळ्या गोळ्या झाडून हत्या करण्यात आली आहे. अमृतसरच्या सथियाला गावात गोपी घनशाम पुरिया गटाच्या टोळीतील 3 सदस्यांनी जर्नेल सिंगवर अंदाधुंद गोळीबार केला, ज्यात त्याचा जागीच मृत्यू झाला. या घटनेचा व्हिडिओही सध्या सोशल मीडियावर व्हायरल होत आहे.

मिळालेल्या माहितीनुसार, हे हल्लेखोर स्विफ्ट कारमधून आले होते आणि त्यांनी तोंडाला रुमाल बांधला होता. जर्नेल सिंग एका दुकानात उभा होता, यावेळी त्या तिघांनी त्याच्यावर गोळीबार केला. 20-25 गोळ्या झाडून हल्लेखोर घटनास्थळावरून फरार झाले. घटनेची माहिती मिळताच पोलीस घटनास्थळी दाखल झाले असून, पोलीस या प्रकरणाचा तपास करत आहेत.

पाहा Video:-

पंजाब सरकार मे लॉ एंड ऑर्डर की धज्जियाँ उडाता हुआ ये वीडियो... सरेआम शूट आउट मे गैंगस्टर जरनेल सिंह की हत्या...!!

Gangster Jarnail Singh was shot dead in broad daylight in Sathiala village of #Amritsar today by some masked unknown shooters.

पंजाब CM इस समय मस्ती मे होंगे!! pic.twitter.com/dyBAL6zHVL

— Abhishek Dwivedi /अभिषेक द्विवेदी 🇮🇳 (@Dubeyjilive) May 24, 2023

या हल्ल्याचे सीसीटीव्ही फुटेजही समोर आले आहे. यात तिघे जर्नेल सिंगवर अंदाधुंद गोळीबार करताना दिसत आहेत. जर्नेल सिंग मरेपर्यंत त्याच्यावर गोळीबार सुरू होता. पोलिसांनी सीसीटीव्ही फुटेज ताब्यात घेऊन आरोपींचा शोध सुरू केला आहे. मयताचा मृतदेह ताब्यात घेऊन शवविच्छेदनासाठी रुग्णालयात पाठवण्यात आला आहे. लवकरच आरोपींना अटक करण्यात येईल, असे पोलिसांचे म्हणणे आहे.