Video: प्रेमी युगलाचा धावत्या बाईकवर स्टंट; पोलिसांनी दाखवला इंगा

सोशल मीडियात व्हायरल व्हिडिओमध्ये, एक तरुण दुचाकी चालवत आहे आणि तरुणी चालत्या मोटारसायकलच्या टाकीवर त्याला मिठी मारून बसली आहे.

विशाखापट्टणम - प्रेमात वेडे झालेले तरुण वेडाच्या भरात काय करतील याच नेम नसतो. सध्या सोशल मीडियामुळे या गोष्टी सहज व्हायरल होऊन दूरदूर पसरतात. नुकताच आंध्र प्रदेशातील विशाखापट्टणम येथील एका प्रेमी युगलाचा व्हिडिओ सोशल मीडियात व्हायरल झाला. त्यानंतर, पोलिसांनी दखल घेत या युवकास चागंलाच धडा शिकवला. बाईकवर रोमान्स करत हे जोडपे रस्त्यावरुन प्रवास करत होते. याप्रकरणी पोलिसांनी दोघांनाही पोलिसांनी अटक केली. अजय कुमार आणि शैलजा असे दोघांची नावे असून २१ आणि १९ वर्षांचे हे तरुण आहेत. 

सोशल मीडियात व्हायरल व्हिडिओमध्ये, एक तरुण दुचाकी चालवत आहे आणि तरुणी चालत्या मोटारसायकलच्या टाकीवर त्याला मिठी मारून बसली आहे. दोघांच्या या रोमान्सचा व्हिडिओ कुणीतरी बनवला आहे. जो सोशल मीडियावर प्रचंड व्हायरल झाला आहे. त्याच बाजुला एक चारचाकी वाहन जातानाही दिसत आहे. फाजील स्टंट करणाऱ्या या जोडप्याला नेटीझन्सनेही ट्रोल केलं असून दोन जीवांशी खेळ करतानाचा व्हिडिओ पाहून अनेकांनी संताप व्यक्त केला आहे.  

విశాఖలో లవర్స్ ఓవర్ యాక్షన్. స్టీల్ ప్లాంట్ మెయిన్ రోడ్డుపై పట్టపగలు బరితెగింపు. హెల్మెట్ లేకుండా యువకుడు డ్రైవింగ్. కాలేజ్ యూనిఫామ్ ధరించి విద్యార్థిని వికృత చేష్టలు చూసి నివ్వెరపోయిన స్థానికులు. #AndhraPradesh#Visakhapatnam#Vizagpic.twitter.com/lKyW2gYUUj

— 𝚃𝙴𝙰𝙼_𝙲𝙱𝙽 (@TEAM_CBN1) December 30, 2022

व्हायरल झालेला व्हिडिओ विशाखापट्टणममधील स्टील प्लांट रोडचा आहे. हा व्हिडिओ व्हायरल होताच पोलिसांनी या दोघांना अटक केली आहे. पोलिसांनी दिलेल्या माहितीनुसार, दोघांविरुद्ध निष्काळजीपणे वाहन चालवणे प्रकरणी कायदा कलम 336, 279, 132 आणि 129 अन्वये गुन्हा दाखल करण्यात आला आहे. दरम्यान, दोन्ही युवकाच्या पालकांना बोलावून पोलिसांनी समज दिली आहे.