पिकनिकला गेलेल्या १४ मुलींसोबत 'असं' काय घडलं, ज्यानं पायाखालची जमीनच सरकली
By ऑनलाइन लोकमत | Published: May 11, 2023 11:37 AM2023-05-11T11:37:36+5:302023-05-11T11:37:44+5:30
शॉवरहेड, पिक्चर फ्रेमपासून दरवाजाच्या लॉकपर्यंत सगळीकडे मुलींनी शोध घेतला. तेव्हा बाथरूममध्ये जे काही पाहिले त्याने मुलींच्या पायाखालची जमीन सरकली.
पिकनिकला गेलेल्या १४ मुलींसोबत 'असं' काय घडलं, ज्यानं पायाखालची जमीनच सरकली
Next सुट्टीच्या काळात अनेकांना फिरायला जायला आवडते. लोक इन्जॉय करण्यासाठी कुटुंब आणि मित्रांसोबत बाहेर जातात. पर्यटनस्थळी हॉटेल अथवा एखाद्या भक्तनिवासात मुक्काम करतात. पण आता एखादा बंगला किंवा रूमही भाड्याने घेण्याचा ट्रेंड आहे. हॉटेलच्या तुलनेने हे स्वस्त आणि मस्त असल्याने अनेक पर्यटक याचा वापर करतात. परंतु हे किती घातक ठरू शकते याचा प्रत्यय एका महिलेला आला आहे.
कॅनडाच्या ब्रिटिश कोलंबियात १४ मैत्रिणीसोबत फिरायला गेलेल्या २६ वर्षीय Kennedy CalWell सोबत जे घडले त्याने तिच्यासह तिचे फ्रेंडही घाबरले आहेत. एका मित्राच्या वाढदिवसाच्या पार्टीनिमित्त आलेल्या लेडीज ग्रुपमधील मुलीला घरात काहीतरी अजब घडत असल्याचा संशय आला. अशावेळी मुलींनी फ्लॅश लाईट ऑन करून घरातील कानाकोपरा शोधण्यास सुरूवात केली.
शॉवरहेड, पिक्चर फ्रेमपासून दरवाजाच्या लॉकपर्यंत सगळीकडे मुलींनी शोध घेतला. तेव्हा बाथरूममध्ये जे काही पाहिले त्याने मुलींच्या पायाखालची जमीन सरकली. या प्रॉपर्टीच्या बाथरूममध्ये प्लग सॉकेटखाली एक छोटासा कॅमेरा होता. या कॅमेऱ्यातून अंघोळ करणाऱ्या मुलींचे नग्न व्हिडिओ कुणीतरी बनवत असल्याचे पाहून मुलींना मोठा धक्का बसला.
खोलीत छुपे कॅमेरे कसे असतात याबाबत व्हिडिओत मुलींनी पाहिले होते. त्यामुळे ज्या घरात थांबलोय त्याची पाहणी करायला हवी असं मुलींनी ठरवले. बाथरुममध्ये मुलींना जो छुपा कॅमेरा मिळाला तो टॉयलेट सीट आणि शॉवर घेतानाचे दृश्य कैद करणारे होते. हा कॅमेरा पाहून मज्जा करण्यासाठी आलेल्या मुलींना शॉक बसला. त्यानंतर तातडीने पोलिसांना फोन करून मुलींनी हा प्रकार सांगितला.
पोलीस घटनास्थळी आले, त्यांनी तपासणी करत घरमालकाला चौकशीला बोलावले. परंतु हा कॅमेरा मी लावला नाही असं घरमालकाने म्हटलं. याआधी इथं राहण्यासाठी आलेल्या गेस्टने हा कॅमेरा लावला असावा असा दावा मालकाने केला. मुलींच्या सतर्कतेमुळे त्यांचे व्हिडिओ बनवता आले नाहीत. मात्र अनोळखी ठिकाणी खोली घेताना रूममध्ये सर्वकाही तपासणी करणे गरजेचे आहे अन्यथा ते धोकादायक ठरू शकते असं मुलींनी म्हटलं. सध्या पोलीस या घटनेचा तपास करत असून दोषींवर कारवाई केली जाईल असं म्हटलं आहे.