गे पतीला कंटाळली पत्नी, इन्स्टाग्रामवर अश्लील फोटो करायचा टॅग, प्रकरण पोहचलं कोर्टात

Crime News : न्यायालयाच्या आदेशाला न जुमानता आरोपी समलैंगिक पती पत्नीला पोटगीची रक्कम न देता त्याच्या इतर मित्रांसह सोशल मीडियावर सतत अश्लील फोटो टाकत आहे.

इंदूर : शहरातील समलैंगिक पतीविरोधात पत्नीने तिसऱ्यांदा न्यायालयात धाव घेतली आहे. समलैंगिक पतीमुळे त्रासलेली ही महिला विलग राहत आहे. पीडितेने सांगितले की, तिचा विवाह दीपक गुप्ता नावाच्या तरुणाशी २०१५ मध्ये झाला होता. लग्नाच्या सहा महिन्यांनंतर पती दीपकने पत्नीला शिवीगाळ करत हुंड्याची मागणी करण्यास सुरुवात केली. याबाबत पीडित पत्नीने पती दीपक गुप्ता याच्याविरुद्ध जिल्हा न्यायालयात हुंड्यासाठी छळ केल्याचा गुन्हा दाखल केला होता. जिल्हा न्यायालयाने हुंड्यासाठी छळ केल्याप्रकरणी पीडितेच्या बाजूने निकाल देत आरोपी पतीला पीडितेला पोटगी देण्याचे आदेश दिले. कोर्टाच्या आदेशानंतर आरोपी पतीने पत्नीला स्वतःचे समलैंगिक फोटो सोशल मीडियावर टाकून तिचा छळ केला.


त्याचवेळी लसूड़िया पोलिसांनी आरोपी पतीविरुद्ध सोशल मीडियावर अश्लीलता पसरवल्याप्रकरणी गुन्हा दाखल केला आहे. न्यायालयाच्या आदेशाला न जुमानता आरोपी समलैंगिक पती पत्नीला पोटगीची रक्कम न देता त्याच्या इतर मित्रांसह सोशल मीडियावर सतत अश्लील फोटो टाकत आहे. त्याची दखल घेत इंदूर जिल्हा न्यायालयाने आरोपी समलैंगिक पतीविरुद्ध वॉरंट जारी केले आहे.

पैशाच्या आमिषाने सेक्स रॅकेट चालविणाऱ्या दोन महिला दलालांना अटक

शीना बोरा जिवंत आहे का? इंद्राणी मुखर्जीच्या दाव्यावर सीबीआय १४ दिवसांत करणार खुलासा

पीडितेच्या पत्नीने राज्याचे गृहमंत्री नरोत्तम मिश्रा आणि पर्यटन सांस्कृतिक मंत्री उषा ठाकूर यांच्याकडे सोशल मीडियावर तिच्या पतीबद्दल अश्लीलता पसरवल्याबद्दल तक्रार केली आहे. अशा लोकांसाठी कडक कायदा करण्याची मागणी पीडितेने केली आहे. पीडितेचे वकील कृष्णकुमार कुनहारे यांनी सांगितले की, समलैंगिक पती आपल्या इतर मित्रांसोबत विनयभंग करत हुंड्यासाठी पीडितेचा छळ करत असे. याबाबत तिने न्यायालयात तक्रार केली असता, तिला त्रास देण्यासाठी त्याने मित्रासोबतचे अश्लील फोटो सोशल मीडियावर टाकले. त्याचवेळी त्याने पत्नीला पोटगी देण्यास नकार देण्यास सुरुवात केली. त्याची दखल घेत जिल्हा न्यायालयाने आरोपी बँकर पती दीपक गुप्ता आणि त्याच्या एका मित्राविरुद्ध वॉरंट जारी केले आहे. त्याचप्रमाणे लसूड़िया पोलिसांनी आरोपी पतीविरुद्ध सोशल मीडियावर बदनामी केल्याप्रकरणी एफआयआरही नोंदवला आहे. आता पोलीस आरोपींना कधी अटक करतात हे पाहावे लागेल.