पती पत्नीला आणायला तिच्या माहेरी जात होता, रस्त्यात भेटली एक तरूणी आणि मग...
By ऑनलाइन लोकमत | Published: August 2, 2022 03:28 PM2022-08-02T15:28:35+5:302022-08-02T15:29:06+5:30
Crime News : महिलेने संजीव नावाच्या या व्यक्तीला लिफ्ट मागितली आणि महिलेला कारमध्ये बसवलं. यादरम्यान दोघांमध्ये संवाद झाला.
पती पत्नीला आणायला तिच्या माहेरी जात होता, रस्त्यात भेटली एक तरूणी आणि मग...
Next Crime News : सायबर सिटी गुरूग्राममधून एक धक्कादायक घटना समोर आली आहे. फरीदाबादचा राहणारी एक व्यक्ती मंगळवारी दुपारी साधारण 12 वाजता आपल्या पत्नीला घेण्यासाठी एमजी रोड मेट्रो स्टेशनला जात होता. यादरम्यान सहारा मॉलजवळ त्याला एक महिला भेटली. महिलेने संजीव नावाच्या या व्यक्तीला लिफ्ट मागितली आणि महिलेला कारमध्ये बसवलं. यादरम्यान दोघांमध्ये संवाद झाला. महिलेने संजीवला आपल्या बोलण्यात फसवलं आणि ती त्याला सेक्टर 39 मधील एका गेस्ट हाऊसमध्ये घेऊन गेली.
संजीवने त्याच्या तक्रारी पोलिसांना सांगितलं की, गेस्ट हाऊसला गेल्यावर त्याच्या डोळा लागला आणि जेव्हा त्याला जाग आली तेव्हा त्याला धक्का बसला. त्याने पाहिलं तर त्याचा आयफोन आणि त्याच्या कारची चावी गायब होती. गेस्ट हाऊसच्या खाली आल्यावर त्याला दिसलं की, त्याची कारची चावी एका झाडाच्या कुंडीत पडली आहे. त्याने चावी घेतली.
संजीव धावत कारकडे गेला. त्यानी गाडी चेक केली तर त्याची सायसन्स असलेली रिवॉल्वर गायब आहे. सोबतच गाडीत ठेवलेले 40 हजार रूपयेही गायब आहेत. हा सगळा प्रकार बघून संजीवला धक्का बसला. त्या गुडगाव पोलीस स्टेशनमध्ये जाऊन तक्रार दाखल केली. पोलीस महिलेला लिफ्ट दिलेल्या जागेपासून ते गेस्ट हाऊसपर्यंतचे सगळे सीसीटीव्ही फुटेज चेक करत आहेत. जेणेकरून महिलेला पकडता यावं. पोलिसांनी सांगितलं की, महिलेला लवकर पकडलं जाईल.