भयंकर! एका ब्लाऊजसाठी महिलेची आत्महत्या, पतीने शिलाई बिघडवली म्हणून 'तिने' घेतला टोकाचा निर्णय

Crime News : पतीने शिलाई बिघडवली म्हणून एका महिलेने टोकाचा निर्णय घेतला आहे. रागाच्या भरात आत्महत्या केली आहे.

नवी दिल्ली - हैदराबादमध्ये एक धक्कादायक घटना घडली आहे. पतीने शिवलेला ब्लाऊज जीवघेणा ठरला आहे. पतीने शिलाई बिघडवली म्हणून एका महिलेने टोकाचा निर्णय घेतला आहे. रागाच्या भरात आत्महत्या केली आहे. या घटनेने परिसरात एकच खळबळ उडाली आहे. मिळालेल्या माहितीनुसार, हैदराबादच्या अंबरपेट परिसरातील गोलनाका थिरूमाला नगर येथील ही घटना आहे. 35 वर्षीय विजयलक्ष्मी आपल्या खोलीत मृतावस्थेत आढळली. त्यानंतर महिलेने आत्महत्या केली असल्याचं समोर आलं आहे. ब्लाऊजची शिलाई बिघडल्याने महिलेने आपला जीव दिला असल्याचं सांगितलं जात आहे. 

मृत महिलेचा पती श्रीनिवास हा शिंपी होता. तो कपडे शिवतो आणि ब्लाऊज विकून पैसे कमवतो. त्याने आपली पत्नी विजयलक्ष्मी हिच्यासाठी एक ब्लाऊज शिवला होता. मात्र विजयलक्ष्मीला हा ब्लाऊज आवडला नाही. तिची अशी इच्छा होती की पतीने पुन्हा ब्लाऊज शिवावा. मात्र वेळ नसल्याने श्रीनिवासने पुन्हा ब्लाऊज शिवण्यास नकार दिला. याच कारणामुळे नाराज होत विजयलक्ष्मीने आत्महत्या केल्याचं सांगितलं जात आहे.

महिलेच्या कृतीने सर्वांनाच बसला धक्का

मिळालेल्या माहितीनुसार, विजयलक्ष्मी हैदराबादच्या अंबरपेट परिसरातील गोलनाका थिरुमाला नगर येथे राहात होती. तिला दोन मुलंही आहेत. श्रीनिवास घरोघरी जाऊन ब्लाऊज आणि कपडे शिवण्याचे काम करतो. यावरच त्याचा कुटुंबीयांचा उदरनिर्वाह होतो. त्याने विजयलक्ष्मीसाठी एक ब्लाऊज शिवला होता मात्र तो तिला आवडला नव्हता. विजयलक्ष्मीची अशी इच्छा होती की श्रीनिवासने हा ब्लाऊज उसवून पुन्हा शिवावा. मात्र पतीने असं करण्यास नकार दिला. यामुळे नाराज पत्नीने स्वतःला एका खोलीत बंद केलं.

पोलीस घटनेचा करताहेत तपास 

मुलं जेव्हा शाळेतून घरी आली तेव्हा दरवाजा बंद होता. त्यांनी बराच वेळा आवाज दिला मात्र काहीही प्रतिसाद मिळाला नाही. ही माहिती श्रीनिवासला दिली गेली तेव्हा समजलं की दरवाजा आतून बंद आहे. बराच वेळ आवाज देऊनही दरवाजा न उघडल्याने त्याने दरवाजा तोडला. मुलं आणि श्रीनिवास खोलीत गेले तेव्हा विजयलक्ष्मी मृतावस्थेत आढळली. स्थानिक लोकांनी लगेचच घटनेची माहिती पोलिसांना दिली. पोलीस सध्या या घटनेचा तपास करत आहेत. एका हिंदी वेबसाईटने याबाबतचे वृत्त दिले आहे.