जंगली श्वापदाच्या हल्ल्यात महिला गंभीर जखमी
By ऑनलाइन लोकमत | Published: May 4, 2021 05:09 PM2021-05-04T17:09:02+5:302021-05-04T17:12:54+5:30
Crime News : दिघी बोपापुर येथील घटना
जंगली श्वापदाच्या हल्ल्यात महिला गंभीर जखमी
चिकणी (जामनी ): नजीकच्या दिघी बोपापूर येथील संजीवनी शुक्राचार्य वाघमारे (४७) या आपल्या शेतात शेतकाम करीत होत्या. अचानक रानटी डुक्कराने छातीला जबर धडक दिली व चावा घेऊन गंभीर जखमी केले. यामध्ये रक्त स्त्राव झाला.
तात्काळ ग्रामीण रूग्णालयात देवळी येथे नेण्यात आले. प्राथमिक उपचार घेवून जिल्हा सामान्य रुग्णालय वर्धा येथे हलविण्यात आले. तेथे बेडची उपलब्धता व तपासणी यंत्र नसल्याने खासगी दवाखान्यात उपचार सुरु आहे.
वनविभागाला घटनेचे माहिती देताच वनश्रेत्र साहाय्यक वर्धा शिरपूरकर , वनरक्षक एस.बी.हांङे यांनी घटनास्थळी पंचनामा केला.
यावेळी सरपंच घनश्याम कांबळे व पोलिस पाटिल प्रतिभा फुलमाळी उपस्थित होते. वन परिक्षेत्र अधिकारी यांना लेखी अर्जाद्वारे तात्काळ उपचार खर्च व नुकसान भरपाई द्यावी अशी मागणी केली.
