धक्कादायक! हॉटेलमध्ये बोलावून महिलेवर बलात्कार, व्हिडिओ बनवून केले ब्लॅकमेल

दिल्लीतील समयपूर येथून एक धक्कादायक घटना समोर आली आहे. समयपूर बदली परिसरात एका महिलेला हॉटेलमध्ये बोलावून बलात्कार केल्याची केल्याची घटना समोर आली आहे. या व्यक्तीने बलात्कारादरम्यान व्हिडिओ बनवल्याचा आरोप महिलेने केला आहे. महिलेने विरोध केल्यावर आरोपीने तिचा पती, मुलांसह व्हिडिओ सोशल मीडियावर व्हायरल करण्याची धमकी दिली आहे.

आरोपीने महिलेवर धमकी देऊन वारंवार बलात्कार केल्याचे समोर आले आहे. दिल्ली महिला आयोगाच्या समुपदेशकांना बोलावून महिलेची वैद्यकीय तपासणी करण्यात आली. याप्रकरणी पोलिसांनी अंमली पदार्थ देऊन बलात्कार आणि धमकावणे अंतर्गत गुन्हा दाखल केला आहे.

पोलिसांनी दिलेल्या माहितीनुसार, २८ वर्षीय पीडित तरुणी दिल्लीत राहते. महिला बिहारची रहिवासी आहे. महिलेचे लग्न होऊन 11 वर्षे झाली आहेत. तीन मुले आहेत. तीन वर्षांपूर्वी महिलेची घरासमोर राहणाऱ्या एका तरुणाशी ओळख झाली. त्या तरुणाने महिलेचा मोबाईल नंबर घेतला. दोघेही फोनवर बोलायचे. तरुणाने तिला अचानक फोन करून लिवासपूरला बोलावले. वारंवार विनंतीवरून महिला त्याला भेटायला आली. तेथून तरुणाने महिलेला रोहिणी सेक्टर १९ येथील गुन्हे शाखेच्या कार्यालयासमोरील हॉटेलमध्ये नेले, असा आरोप महिलेने केला आहे. या हॉटेलच्या रूममध्ये त्या तरुणाने महिलेला कोल्ड ड्रिंक प्यायला दिले.

मेस्सीची दिल्लीत चोरी; फुटबॉलपटूने लंपास केले ५६ मोबाईल्स, नेमकं प्रकरण काय?

कोल्ड्रिंग प्यायल्यानंतर महिलेला विचित्र वाटल्याचा आरोप महिलेने केला आहे, बराच वेळ झाल्यावर शुद्धीवर आल्यावर महिलेला सर्व लक्षात आले. तेव्हा पीडित महिलेने त्या तरुणाला विचारणा करून फसवणूक केल्याचा आरोप केला. या तरुणाने आपल्या मोबाईलवरून आपल्या आक्षेपार्ह अवस्थेचा व्हिडीओही बनवला असल्याचे महिलेने सांगितले. हा व्हिडिओ सोशल मीडियावर व्हायरल करू, अशी धमकी दिल्याचा आरोपही महिलेने केला आहे. आरोपीने व्हिडिओच्या माध्यमातून ब्लॅकमेल करत वारंवार बलात्कार केल्याचा आरोप महिलेने केला आहे. महिलेच्या तक्रारीनंतर पोलिसांनी दिल्ली महिला आयोगाच्या समुपदेशकांना पीडितेला बोलावले.पोलिसांनी आरोपीला ताब्यत घेतले आहे.