धक्कादायक! पत्नीच्या प्रियकराला पतीने हात-पाय तोडून फेकलं, दोन मुलांची आई त्याला सोडायला नव्हती तयार...

महिलेचा पती आणि त्याच्या नातेवाईकांनी या तरूणाला मारहाण करून त्याचे पाय तोडले आणि रस्त्यावर मरण्यासाठी सोडून दिलं. हॉस्पिटलमध्ये नेताना त्याचा मृत्यू झाला.

राजस्थानच्या नागौरमधून हत्येची एक धक्कादायक घटना समोर आली आहे. इथे एका तरूणाला निर्दयीपणे मारहाण करून त्याची हत्या करण्यात आली आहे. ही घटना प्रेम प्रकरणातून घडल्याचं समजतं. असे सांगितले जात आहे की, मृत तरूण एका विवाहित दोन मुलांची आई असलेल्या महिलेसोबत लिव-इनमध्ये राहत होता. त्यामुळे महिलेचा पती आणि त्याच्या नातेवाईकांनी या तरूणाला मारहाण करून त्याचे पाय तोडले आणि रस्त्यावर मरण्यासाठी सोडून दिलं. हॉस्पिटलमध्ये नेताना त्याचा मृत्यू झाला.

मीडिया रिपोर्टनुसार, रस्त्याने जात असलेल्या काही लोकांनी तरूणाला नागौरच्या जवाहरलाल नेहरू हॉस्पिटलमध्ये दाखल केलं. त्याची गंभीर स्थिती बघता त्याला जोधपूरला रेफर करण्यात आलं होतं. तिथेच त्याचा मृत्यू झाला. मृत्युआधी तरूणाने मारहाण करणाऱ्या लोकांची नावे पोलिसांना सांगितली. आता पोलीस तपास करत आहेत. (हे पण वाचा : NRI पतीने हनीमूनवर बनवला पत्नीचा अश्लील व्हिडीओ, कंटाळून महिलेने उचललं हे धक्कादायक पाउल!)

पोलिसांनुसार, एक विवाहित महिलेने आपल्या पतीला सोडलं होतं आणि तिला दोन मुलंही आहेत. यादरम्यान महिला मृत इंद्रचंद्रच्या संपर्कात आली आणि दोघांमधील जवळीकता वाढली. पतीने समजावल्यानंतरही महिला प्रियकर इंद्रचंदला सोडण्यासाठी तयार झाली नाही. साधारण २० दिवसांपासून ते सोबत राहत होते. जेव्हा हे तिच्या पतीला समजलं तर ते इंद्रचंदला मारण्यासाठी गेले. त्यांनी त्याचे हात पाय तोडून फेकले होते. (हे पण वाचा : पतीने गर्भवती पत्नीची गोळी झाडून केली हत्या, तुरूंगातून नुकतीच बाहेर आली होती महिला)

पोलिसांनुसार, विवाहितेचा एक मुलगा पतीसोबत राहत होता आणि छोटा मुलगा महिलेसोबत राहत होता. तरूणाच्या मृत्यूनंतर त्याचा मृतदेह नागौरला आणण्यात आला. पोस्टमार्टमनंतर मृतदेह त्याच्या परिवाराकडे सोपवण्यात आला. तेच या प्रकरणी महिलेचं म्हणणं आहे की, तिने स्वत: जिल्ह्याची पोलीस अधिक्षक श्वेता धनकडला भेटून जीवाचा धोका असल्याची शक्यता वर्तवली होती. पण पोलिसांनी काही मदत केली नाही. तेच पोलिसांनी आरोपीसहीत चार लोकांविरोधात गुन्हा दाखल केला आहे. सर्वच आरोपी फरार आहेत. पोलीस त्यांचा शोध घेत आहेत.