प्रेम मिळवण्यासाठी पार केल्या सर्व सीमा, पती आणि मुलांना सोडून महिला बनली 'लेडी डॉन'

नगमाने प्रियकर राहुलसोबत मिळून अनेक गुन्हे केले आणि आता ती पकडली गेली आहे. मग पोलिसांसमोर आली लेडी डॉन बनलेल्या सामान्य नगमाची कहाणी.

ये इश्क नहीं आसान, बस इतना समझ लीजिए एक आग का दरिया है और डूबकर जाना है....हा गालिब यांचा शेर बिहारच्या सामान्य महिलेने खरा ठरवला आहे. प्रेमात आंधळं होणं कशाला म्हणतात याचं एक उदाहरण नगमा नावाच्या महिलेच्या निमित्ताने पुन्हा बघायला मिळालं. नगमाने तिच्या प्रियकरासाठी सर्व सीमा पार केल्या. इतकंच काय तर ती प्रियकरासाठी लेडी डॉन बनली. चांगल्या परिवारातील असूनही प्रेमासाठी तिने पती आणि मुलांना सोडलं आणि प्रियकराकडे गेली. नगमाने प्रियकर राहुलसोबत मिळून अनेक गुन्हे केले आणि आता ती पकडली गेली आहे. मग पोलिसांसमोर आली लेडी डॉन बनलेल्या सामान्य नगमाची कहाणी.

काही दिवसांपूर्वी पटणाच्या अनिशाबाद रोडवर एका मोबाइलच्या दुकानात लुटमार करण्यासाठी काही गुंडांनी फायरिंग केली होती. ही संपूर्ण घटना सीसीटीव्ही कॅमेरात कैद झाली होती. त्या आधारावर पोलिसांनी राहुल आणि नगमाला अटक केली.

पोलिसांनी जेव्हा राहुल आणि नगमाला अटक केली तेव्हा समजलं की, हे दोघे आधीपासून लवर्स होते आणि नंतर त्यांनी लग्न केलं. इतकंच नाही तर राहुल लोकांची सुपारी घेत होता आणि हत्यारांची तस्करी करत होता.

२०१५ मध्ये राहुल चितकोहरामध्ये राहणाऱ्या विक्रमची हत्या केली होती. त्याला पाच वर्षांची शिक्षा झाली होती आणि मग तो छपरा येथील तुरूंगात कैद होता. जोपर्यंत राहुल तुरूंगात होता तेव्हा त्याची गॅग बिहारच्या शरीफमध्ये राहणारी त्याची प्रेयसी नगमा सांभाळत होती. तुरूंगात असलेला राहुल सतत नगमाच्या कॉन्टॅक्टमध्ये होता. तो नगमाला पत्ते सांगता होता जिथे ती हत्यारं सप्लाय करत होती.

राहुलला नगमाबाबत आधीच सगळं माहीत होतं. पण राहुलने नगमाला पळवून आणलं होतं आणि गायघाट येथील घरात तिला ठेवलं होतं. १ महिन्याआधीच राहुलला जामीन मिळाला होता आणि बाहेर येताच त्याने नगमासोबत लग्न केलं. राहुलने सांगितलं की, त्याला सोनूने मोबाइलच्या दुकानात काम करणाऱ्या एका व्यक्तीची सुपारी दिली होती. हत्येच्या उद्देशानेच त्याने दुकानात फायरिंग केली होती आणि तरूणावर गोळी झाडली होती.