हृदयद्रावक! "माझ्या मागे रडू नका, कारण…’’ फेसबुकवर पोस्ट लिहून तरुणाची आत्महत्या

Crime News: एका तरुणाने फेसबुकवर दीर्घ पोस्ट लिहून आत्महत्या केली आहे. आत्महत्या करण्यापूर्वी लिहिलेल्या या फेसबुक पोस्टमध्ये या तरुणाने जीवन संपवण्यामागचं कारण सांगितलं आहे.

सोलन (हिमाचल प्रदेश) - हिमाचल प्रदेशमधील सोलन जिल्ह्यामध्ये एक हृदयद्रावक घटना घडली आहे. येथे एका तरुणाने फेसबुकवर दीर्घ पोस्ट लिहून आत्महत्या केली आहे. आत्महत्या करण्यापूर्वी लिहिलेल्या या फेसबुक पोस्टमध्ये या तरुणाने जीवन संपवण्यामागचं कारण सांगितलं आहे. आता पोलीस या प्रकरणाचा तपास करत आहेत. (Young man commits suicide by posting suicide note on Facebook)

मिळालेल्या माहितीनुसार २९ वर्षीय मुकुल वारिया हा तरुण लग्न आणि इव्हेंट्सच्या डेकोरेशनचे प्रोजेक्ट घेत असे. मंगळवारी त्याने राहत्या घरातील खोलीमध्ये गळफास घेतला. त्याला त्या अवस्थेत पाहून कुटुंबीयांनी तातडीने रुग्णालयाता दाखल केले. मात्र तोपर्यंत त्याची प्राणज्योत मालवली होती.  या तरुणाची आई नोकरी करून कुटुंबाचा सांभाळ करते. दर दुर्दैवाची बाब म्हणजे या तरुणाच्या वडिलांनीही काही वर्षांपूर्वी आत्महत्या केली होती. 

मुकुलने हे टोकाचे पाऊल उचलण्यापूर्वी एक दीर्घ फेसबुक पोस्ट लिहिली होती. त्यात त्याने एका पोलीस कर्मचाऱ्यावरही त्याचा छळ केल्याचा आरोप केला. तसेच अखेरच्या वेळी एक ऑर्डर रद्द करावी लागली. त्यामुळे त्याच्याकडे ३५ हजार रुपये परत मागितले जात आहेत. यासर्वामुळे मी एकटा पडलो आहे. मला माफ करा मी आता खूप थकलोय. माझे कुटुंबीय माझ्यामुळे कधी समाधानी राहू शकले नाहीत. आता मी अडचणीत सापडलो आहे. आता मला या अडचणींना तोंड देणे जमत नाही आहे. 

या फेसबुक पोस्टमध्ये मुकुलने कुटुंबीयांसोबतच एका मैत्रिणीचीही माफी मागितली आहे. त्यात तो म्हणतो की, तिनेसुद्धा मला खूप समजावले. पण मी समजू शकलो. नाही. तर त्याने अजून एका मुलीवर त्याला फसवल्याचा आरोप केला आहे. मी त्या मुलीवर खूप प्रेम करत होते. मात्र तिने अन्य कुणाबरोबर तरी अफेअर सुरू होते. तरीही तिने मला खोटी स्वप्ने दाखवली. अखेरीस त्याने सर्वांची माफी मागितली आणि लिहिले की,“Don’t cry because it’s over smile because it happened.”