‘मोहिनी’ बनून काँग्रेस आमदाराला आकर्षित करत होता युवक; मध्यरात्री अश्लिल व्हिडिओ कॉल केला, त्यानंतर...

काँग्रेस आमदार नीरज दीक्षित यांनी २२ तारखेला गढी मलहरा येथे पोहचून या प्रकरणात पोलीस ठाण्यात गुन्हा नोंदवला होता.

ठळक मुद्देएक महिला बनून युवक कॉंग्रेसचे आमदार नीरज दीक्षित यांना ब्लॅकमेल करत होताछतरपूर पोलिसांनी आरोपी युवकास राजस्थानातून अटक केलीमध्यरात्री या युवकाने एका आमदाराला बाई म्हणून फोन केला

छतरपूर – काँग्रेस आमदार नीरज दीक्षित प्रकरणात छतरपूर पोलिसांनी नवा खुलासा केला आहे. आमदाराला अर्ध्या रात्री एक व्हिडीओ कॉल आला होता. या व्हिडिओ कॉलमध्ये आमदारासमोर महिला अश्लिल कृत्य करू लागली. त्यानंतर अश्लिल व्हिडीओ पाठवून ती महिला आमदाराला ब्लॅकमेल करू लागली होती. याला कंटाळून आमदारानं पोलीस ठाण्यात धाव घेतली.

पोलिसात तपासात राजस्थानच्या युवकाला अटक करण्यात आली. हा युवकच महिलेच्या आवाजात आमदाराला फोन करत असल्याचं उघड झालं. काँग्रेस आमदार नीरज दीक्षित यांनी २२ तारखेला गढी मलहरा येथे पोहचून या प्रकरणात पोलीस ठाण्यात गुन्हा नोंदवला होता. एफआयआरमध्ये आमदार नीरज दीक्षित यांनी सांगितले की, एक महिलेने अर्ध्या रात्री मला अश्लिल व्हिडिओ कॉल केला. सकाळी ब्लॅकमेल करत पैशांची मागणी केली आहे. पोलिसांनी या घटनेचा तपास केला असता राजस्थानातून एका युवकाला अटक करण्यात आली.

छतरपूर पोलीस अधिकारी शशांक जैन यांनी सांगितले की, आमदाराला ब्लॅकमेलिंग करण्याच्या प्रकरणाचा तपास एसपी सचिन शर्मा यांच्या नेतृत्त्वाखाली पथक तयार करून करण्यात आलं. सायबर सेलच्या माध्यमातून या तपास पथकाने आमदाराला ज्या नंबरवरून कॉल आला आणि मेसेज आला त्याची माहिती काढली. त्या तपासात संबंधित मोबाईल क्रमांक राजस्थानाहून ऑपरेट होत असल्याचं कळालं. त्यानंतर पोलिसांचे एक पथक राजस्थानला पाठवण्यात आलं.

याठिकाणी सापळा रचून पोलिसांनी आरोपीला अटक केली. जेव्हा पोलिसांनी या आरोपीची कसून चौकशी केली तेव्हा धक्कादायक सत्य उघड झालं. आरोपीनं जबाबात म्हटलं की, तो मुलीचा आवाज काढून लोकांशी बोलतो. एका रेकॉर्डेड अश्लिल व्हिडीओ करून संबंधित व्यक्तीला कॉल केला जातो. जेव्हा ती व्यक्ती जाळ्यात अडकते तेव्हा त्याला ब्लॅकमेलिंग करण्याचं काम सुरू होतं असा त्याने खुलासा केला आहे.

मुलगी समजून लोकं फसतात

बहुतांश लोक मुलीचे अश्लिल कृत्य आणि बोलण्याचा अंदाज यावरून समजून जातात. त्यानंतर सहजपणे ते जाळ्यात फसतात. आतापर्यंत २१ लोकांना फसवून त्यांच्याकडून १४ लाख रुपये ब्लॅकमेलिंग वसूल केले आहे. सध्या पोलिसांनी आरोपीला अटक करून जेलमध्ये पाठवलं आहे. या लोकांनी ज्यांना फसवलं आहे त्यांचा शोध सुरू आहे. मध्य प्रदेशातही मागील काही दिवसांत अशीच प्रकरणं समोर आली होती. अश्लिल व्हिडिओ पाठवून लोकांना जाळ्यात ओढलं जायचं आणि त्यांना लुटण्याचे काम सुरू होते.