ईटमध्ये ११ दात्यांनी केले रक्तदान

ईट : येथील सह्याद्री प्रतिष्ठानच्या वतीने शिवजयंतीनिमित्त मंगळवारी रक्तदान शिबीर घेण्यात आले. यात ११ जणांनी सहभाग नोंदवित रक्तदान केले. मान्यवरांच्या हस्ते शिवप्रतिमेचे पूजन करून या शिबिरास प्रारंभ झाला. रक्त संकलनासाठी बार्शी येथील भगवंत रक्तपेढीचे पथक येथे आले होते. सह्याद्री प्रतिष्ठानच्या वतीने यंदापासून शिवजयंती उत्सवास प्रारंभ झाला असून, सलग तीन दिवस विविध उपक्रम राबविले जाणार आहेत. यात सहभागी होण्याचे आवाहन संयोजकांनी केले आहे.

दत्ताभाऊ कांबळे यांचा सत्कार

तुळजापूर : राष्ट्रवादी काँग्रेस पार्टीच्या तुळजापूर विधानसभा विभाग अध्यक्षपदी येथील दत्ताभाऊ कांबळे यांची निवड झाली. याबद्दल लहुजी शक्ती सेनेच्या वतीने प्रदेशाध्यक्ष सोमनाथ कांबळे, प्रदेश कार्यकारणी सदस्य शिवाजी गायकवाड यांनी त्यांचा सत्कार केला. याप्रसंगी केरबा सुरवसे, राजाभाऊ चैगुले, राजेंद्र झोंबाडे, बालाजी कांबळे आदी उपस्थित होते.